نيۋ- يوركتە استانانىڭ 20 جىلدىعى اتاپ ءوتىلدى
استانا قالاسىنىڭ مەرەيتويىنا وراي ۇيىمداستىرىلعان سالتاناتتى قابىلداۋعا بىرىككەن ۇلتتار ۇيىمىنىڭ ءتۇرلى قۇرىلىمدارىنىڭ باسشىلارى، ب ۇ ۇ- عا مۇشە مەملەكەتتەردىڭ وكىلدەرى، حالىقارالىق ۇيىمداردىڭ بولىمشە باسشىلارى مەن نيۋ- يوركتەگى ب ۇ ۇ جانىنداعى ۇكىمەتتىك ەمەس ۇيىمداردىڭ باسشىلارى، ساراپشىلار مەن جۋرناليستەر قاتىستى.
كەشتى اشقان قازاقستاننىڭ بىرىككەن ۇلتتار ۇيىمى جانىنداعى تۇراقتى وكىلى قايرات وماروۆ استانانى قالىپتاستىرۋ تاريحى، قالانىڭ زاماناۋي دامۋى جانە ونىڭ الەمدىك ارەناداعى ءرولى تۋرالى مالىمدەدى. ول استانانىڭ جەتىستىكتەرى قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ ەسىمىمەن تىعىز بايلانىستى ەكەنىن ايتتى. استانا الەمنىڭ ەڭ جاس استانالارىنىڭ ءبىرى بولا وتىرىپ، 20 جىل ارالىعىندا عىلىم مەن ءبىلىم، مادەنيەت پەن ونەردىڭ جوعارى دەڭگەيى قالىپتاسقان، ساۋلەت ونەرى دامىعان، ءىرى حالىقارالىق ءىس- شارالاردىڭ جانە ماڭىزدى كەلىسسوزدەر ۇدەرىستەرى مەن جاھاندىق باستامالاردىڭ ورتالىعىنا اينالعان زاماناۋي مەگاپوليس بولعاندىعىن اتاپ ءوتتى.
«قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى جۇمىسىندا استانانىڭ بىتىمگەرشىلىك كۇشتەرى كورىنىس تاپتى. ەلوردامىز بىرىككەن ۇلتتار ۇيىمىنىڭ بارلىق مۇشە مەملەكەتتەرىمەن ىنتىماقتاستىققا اشىق»، - دەدى ق. وماروۆ مەرەكەلىك كەشتىڭ قوناقتارىنا.
ب ۇ ۇ باس حاتشىسىنىڭ ورىنباسارى، ەڭ ناشار دامىعان ەلدەر، تەڭىزگە شىعار جولدارى جوق دامۋشى ەلدەر، جانە شاعىن ارالدارداعى دامۋشى ەلدەر بويىنشا ب ۇ ۇ جوعارعى وكىلى فەكيتاموەلوا ۋتويكامانۋ قازاقستان استاناسىنىڭ مەرەيتويىمەن قۇتتىقتادى. ءوز سوزىندە ول استانا ءۇمىت پەن تابىستى ترانسفورماتسيانىڭ سيمۆولىنا اينالعانىن اتاپ ءوتتى. «قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ كەلەسى سوزدەرى مەنىڭ ەسىمدە قالدى: استانا - قازاقستاننىڭ جاڭعىرۋىنىڭ سيمۆولى جانە قازاق حالقىنىڭ جاسامپاز كۇشى، ولاردىڭ سەنىمى مەن بولاشاعىنا دەگەن سەنىمدىلىگى»، - دەپ اتاپ ءوتتى ف. ۋتويكامانۋ.
ب ۇ ۇ باس حاتشىسىنىڭ ساياسي ماسەلەلەر جونىندەگى ورىنباسارى روزماري ديكارلو استانانى سەرپىندى جانە قىزىقتى قالا ەكەندىگىن ايتتى. ناقتىلاي ول «قازاقستاننىڭ تۇرعىندارى وسى تاماشا قالانى، سونداي- اق ب ۇ ۇ قاۋىپسىزدىك كەڭەسىندە ءوز ەلىنىڭ بەلسەندى جۇمىسىن جانە حالىقارالىق ارەناداعى قازاقستاننىڭ ماڭىزدى ءرولىن ماقتان ەتە الاتىنىمەن» ءبولىستى.
ءىس- شارا بارىسىندا «استانا - بەيبىتشىلىك قالاسى» فيلمى كورسەتىلدى، سونداي- اق قازاقستان رەسپۋبليكاسى تۇڭعىش پرەزيدەنتى قورى ازىرلەگەن استانانىڭ 20 جىلدىق مەرەيتويىنا ارنالعان «A Day in Astana» مەرەيتويلىق فوتوالبومى ۇسىنىلدى.