الەمدەگى بەدەلدى ب ا ق باسشىلارى استانانىڭ 20 جىلدىعىنا كەلەدى
بۇل تۋرالى قازاقپارات ق ر اقپارات جانە كوممۋنيكاتسيالار مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
اتاپ ايتقاندا، ەلوردانىڭ 20 جىلدىعىن مەرەكەلەۋ قۇرمەتىنە ق ر اقپارات جانە كوممۋنيكاتسيالار مينيسترلىگى، قازمەديا ورتالىعى، ازيا-تىنىق مۇحيتى ەلدەرىنىڭ حابار تاراتۋشىلار قاۋىمداستىعى جانە «استانا كونۆەنشن بيۋرو» ج ش س ۇيىمداستىرعان «ازيا مەدياديالوگى» اياسىندا سەمينارلار، كونفەرەنسيالار جانە ازيا راديوسىنىڭ فەستيۆالى وتەدى.
ب ا ق سالاسىنداعى جەتەكشىلەرگە ارنالعان سەميناردا راديونى قۇرۋ، اۋديتوريالارعا جانە ولاردى زەرتتەۋ قۇرالدارىنا باعالاۋ جۇرگىزۋ ماسەلەلەرى قاراستىرىلادى. ينتەراكتيۆتى مىسالدار مەن ەۋروپالىق جانە ازيالىق مەديا-نارىقتاردىڭ وزىق تاجىريبەلەرى كورسەتىلەتىن بولادى.
ودان بولەك، قازاقستاندا تۇڭعىش رەت ەڭ ءىرى سالالىق كونفەرەنسيالار وتەدى جانە ولاردىڭ ءبىرى ازيا راديوسىنا ارنالماق. ازيا مەن ەۋروپا ب ا ق- تارىنا ورتاق ماسەلەلەردى تالقىلاۋ ءۇشىن «مەديا-2020» كونفەرەنسياسى وتەدى. وندا اۋستراليا، بەلگيا، گەرمانيا، جاپونيا، قىتاي، ەۋروپا مەن ازيانىڭ باسقا دا ەلدەرىندەگى جەكەمەنشىك جانە ۇلتتىق تەلەراديوكومپانيالاردىڭ باسشىلارى مودەراتور بولادى.
استانانىڭ 20 جىلدىعىنا ارنالعان تاعى ءبىر ەرەكشە سىيلىق - «ABU Radio Song Festival» حالىقارالىق ءان فەستيۆالى بولماق. بۇل - «ەurovision» بايقاۋىنىڭ بالاماسى، مۇندا ازيا-تىنىق مۇحيتى ەلدەرىنىڭ ونەرپازدارى باق سىنايدى. بيىلعى فەستيۆالدا دا ءۇندىستان، مالديۆ، ۆەتنام، قىتاي، اۋعانستان، تۇرىكمەنستان، تۇركيا، يندونەزيا ەلدەرىنەن جاس ارتىستەر قاتىسادى. ءان بايقاۋى «قازمەديا ورتالىعىنىڭ» كينوكونسەرت زالىندا وتەدى. كىرۋ - تەگىن.
استاناعا كەلەتىن قۇرمەتتى قوناقتار تىزىمىندە ۇكىمەتتىك ەمەس مەدياۇيىمداردىڭ جەتەكشىلەرى، ازيا-تىنىق مۇحيتى جانە جەرورتا تەڭىزى ەلدەرىنىڭ حابار تاراتۋ قاۋىمداستىقتارىنىڭ باس حاتشىلارى، اراب تاراتۋشىلار قاۋىمداستىعىنىڭ جەتەكشىسى، ەڭ ۇلكەن اۋديتورياسىمەن تانىمال ءۇندىستان راديوسى سىندى ازيا مەن ەۋروپانىڭ ءىرى حابار تاراتۋ كومپانيالارىنىڭ وكىلدەرى بار. وسىلايشا، ازيا-تىنىق مۇحيتى ەلدەرىنىڭ حابار تاراتۋشىلار قاۋىمداستىعىنىڭ ءىس-شارالارى قازاقستاندا شارالار تۋريزمىن دامىتۋعا باعىتتالعان ماڭىزدى يميدجدىك جوبالار بولماق.
ازيا-تىنىق مۇحيتى ەلدەرىنىڭ حابار تاراتۋشىلار قاۋىمداستىعى - حالىق تىعىز ورنالاسقان ازيا مەن وكەانيانىڭ 69 ەلىنەن 292 حابار تاراتۋشىنى بىرىكتىرەتىن كوممەرتسيالىق ەمەس ءىرى كاسىپوداق، ونىڭ اۋديتورياسى شامامەن 3 ميلليارد ادامدى قامتيدى.
اۆتور: ايجان سەرىكجان قىزى