الماتىلىقتار استانا كۇنىنە 20 مەترلىك تورت پىسىرمەك

الماتى. قازاقپارات - الماتى جۇرتشىلىعى بيىل استانا كۇنىن ەرەكشە اتاپ وتپەك، دەپ حابارلايدى قازاقپارات ءتىلشىسى.

مەرەكەلەۋ اياسىندا قالا تۇرعىندارى مەن قوناقتارى ءۇشىن ارنايى باعدارلاما دايىندالعان. ونىڭ اياسىندا كورمەلەر، كونكۋرستار، سپورت سايىستارى جانە باسقالارى ۇيىمداستىرىلادى.

3 - شىلدەدە 11:00 دە مەترونىڭ «بايقوڭىر» بەكەتىندە «مەنىڭ ەلىمنىڭ باس قالاسى» فوتوكورمەسى، جىبەك جولى بويىندا 11.00 دە «قۇراق قورپە» تىگۋدەن شەبەرلىك ساباعى ۇيىمداستىرىلادى. بۇدان وزگە ساعات 17:00 دە جاس سۋرەتشىلەر ورتالىعىندا FOYA جاس سۋرەتشىلەردىڭ العاشقى فەستيۆالى اشىلادى.

مۇندا شىنايىلىق ەلەمەنتتەرى ايشىقتالعان قازاقستانداعى ءبىرىنشى كورمە كوپشىلىككە ۇسىنىلادى. كورەرمەندەر ونەرمەن تەك ۆيزۋالدى عانا تانىسىپ قويماي، سونىمەن قاتار ءوز گادجەتتەرى ارقىلى دا كورىپ بىلەتىن بولادى.

 بۇل ءۇشىن «ونەر up»  قوسىمشاسى جاسالدى. ول ونەردى سيفرلاندىرۋ قۇرالى بولۋمەن قاتار ارت وبەكتىلەردى ء«تىرىلتىپ» كورسەتەدى. FOYA فەستيۆالىنىڭ ارقاسىندا كوپشىلىككە قولجەتىمدى «ونەر PlacE» - گالەرەياسىن تاماشالاۋعا بولادى. وعان جاس سۋرەتشىلەر ءوز شىعارمالارىن تەگىن قويۋمەن قاتار ونەر مەن عىلىم جايىندا لەكتسيالار دا تىڭدايدى. كورمەگە جاس سۋرەتشىلەر Repas, Shaman Neon, Pamamurty, Tig crew الماز نۇرعوجايەۆ جانە باسقالارىنىڭ كارتينالارى قويىلادى.

4 - شىلدەدە 11.00 دە جىبەك جولى بويىندا «مۇمكىندىكتەر ۋاقىتى» بوس ورىندار جارمەڭكەسى وتەدى. وعان 150 جۇمىس بەرۋشى قاتىسىپ، 1000 نان استام بوس ورىن ۇسىنىلادى. قالا ارتىستەرىنىڭ قاتىسۋىمەن كونسەرت، «استانا جۇرەگىمدە» فلەشموبى، پالاۋىن ۇسىنۋ، «اسىل قازىنا» جانە «ەل جۇرەگى - استانا» فوتوكورمەسى، مۇمكىندىگى شەكتەۋلى جانە ەگدە جاستاعى جاندار جاساعان «اتا ونەرى - ۇرپاققا مۇرا» اتتى قولونەر بۇيىمدارى جارمەڭكەسى ۇيىمداستىرىلادى.

 قالا تۇرعىندارى مەن قوناقتارى ءۇشىن استانانىڭ مەرەيلى جاسىنا وراي ارنايى جاسالعان 20 مەترلىك تورتتان ءدام تاتۋعا مۇمكىندىك بار.

وسى كۇنى 11:00 دە پانفيلوۆ كوشەسىندە Open air Art gallery Astana 20 year وتەدى.

 5 - شىلدەدە 11:00 دە الاتاۋ اۋدانى اكىمدىگىنىڭ عيماراتى جانىندا، اۋەزوۆ اۋدانىنداعى «گراند پارك» و س و- دا، مەدەۋ اۋدانىنداعى و د م س- دا، تۇركسىب اۋدانىنداعى «مارت VilagE» و س و- دا مەرەكەلىك ءانشاشۋلار ۇيىمداستىرىلادى.

  6- شىلدەدە ساعات 11:00 دە المالى اۋدانىنداعى جىبەك جولى بويىندا، بوستاندىق اۋدانىنداعى «MEGA Center» و س و- دا، جەتىسۋ اۋدانىنداعى «گۇلدەر» پاركىندە، ناۋرىزباي اۋدانى اكىمدىگىنىڭ عيماراتى جانىندا دا مەرەكەلىك كونتسەرتتەر ۇيىمداستىرىلادى.

«استانا» الاڭى باس كونسەرت وشاعىنا اينالادى. مۇندا ساعات 18:00 دە وتاندىق ەسترادا جۇلدىزدارى قالا تۇرعىندارى مەن قوناقتارىنا «استانا - باس قالا» كونتسەرتتىك باعدارلاماسىن ۇسىنادى.

بۇدان وزگە، 6 - شىلدەدە 17:00 دە پانفيلوۆ كوشەسىندە اسفالتقا سۋرەت سالۋ كونكۋرسى، جاستاردىڭ Art Party وتەدى.

7 - شىلدەدە 12:00-17:00 ارالىعىندا ەڭ كىشكەنتاي كورەرمەندەر پانفيلوۆ كوشەسى بويىندا قۋىرشاق تەاترىنىڭ «Zoo show» قويىلىمىن تاماشالاي الادى.

 16:00 دە قازمەم سيركتە سيرك كورىنىستەرى وتەدى. 17:00 دە «الاتاۋ» ءداستۇرلى ونەر تەاترىندا «ۇلى دالا ەلى» حالىقارالىق ەتنوفەستيۆالى وتەدى.

8 - شىلدەدە تاڭعى 5:00 دە سپورتشىلار، قالا تۇرعىندارى «شىمبۇلاقتا» ، «نۇرسۇلتان» شىڭىنا دەيىن الپينياداعا قاتىساتىن بولادى.

 جەكسەنبىدە 9:00 دە «نۇرلى تاۋ» بيزنەس ورتالىعىندا ۆەلوجارىس باستالادى. مەرەكەلىك شارالار 20:00 دە جىبەك جولى بويىندا وتەتىن جاستار كونسەرتىمەن قورىتىندىلانادى.