قازاقستانا تەلەارناسى ەلوردانىڭ 20 جىلدىعىنا قانداي تارتۋ جاسايدى
«استانا ەلىمىزدىڭ باس قالاسى عانا ەمەس، تاۋەلسىز ەلىمىزدىڭ تاريحي قالاسىنا اينالدى. بۇگىندە استانادا ماڭىزدى حالىقارالىق ءىس- شارالار، الەمدىك وقيعالار تۇراقتى تۇردە وتەدى. استانانىڭ 20 جىلدىعىنا وراي كورپوراتسيامىزدىڭ شىعارماشىلىق توبى 10 نان استام دەرەكتى فيلم مەن ارنايى جوبا دايىندادى. 6 - شىلدە كۇنى ساعات 19:00 دە ەفيرگە شىعاتىن «استانا تىنىسى» اتتى دەرەكتى فيلمدى ەرەكشە اتاپ وتكىم كەلەدى. بۇل فيلم سونداي- اق قىتايدىڭ CGTN- Russian, قىرعىزستاننىڭ كترك، وزبەكستاننىڭ ن ت ر ك، تۇركيانىڭ TRT Avaz, موڭعوليانىڭ Sky News جانە باسقا دا ەلدەردىڭ تەلەارنالارىنان كورسەتىلەتىندىگىن جوسپارلاۋدامىز» ، - دەدى ول.
ونىڭ ايتۋىنشا، «Qazaqstan» ۇلتتىق ارناسى شىلدەنىڭ 2 سىنەن باستاپ 8 نە دەيىن استانانىڭ مەرەيتويىنا ارنالعان ارنايى جاڭا جوبالار مەن دەرەكتى فيلمدەردى ۇسىناتىن بولادى. ولاردىڭ قاتارىندا «ءبىر سۋرەتتىڭ تاريحى» ، «ەلباسى ەلەڭ- الاڭ» ، «ەلباسى سۇيگەن ەل ءانى» ، «ەل جۇرەگى استانا» ، «ەلوردا ينفراقۇرىلىمى» ، «استانا - ارمان قالا» ، «ەلوردا ەسەبى» ، «جاساي بەر اسەم استانا» ، «ۇلتتىق ارنادا ۇمىتىلماس اندەر» جانە تاعى دا باسقا تىڭ جوبالار بار. سونىمەن قاتار ەرلان اتامبايەۆ 6 - شىلدە كۇنى كورسەتىلەتىن «نۇرسۇلتان نازاربايەۆتىڭ ورتا ازيانىڭ جاڭعىرۋىنداعى ءرولى» دەپ اتالاتىن جوباعا دا كەڭىنەن توقتالدى.
«جوبانى دايىنداۋ بارىسىندا، قىرعىزستان، تاجىكستان، ازەربايجان، تۇركيا ەلدەرىنىڭ قوعام قايراتكەرلەرىنەن، ساياساتكەرلەرى مەن ساراپشىلارىنان سۇحبات الدىق. ۇزاقتىعى 25 مينۋت بولاتىن جوبامىز تولىق دايىن. ءبىز جوبانى التىنشى شىلدە كۇنى ەفيرگە ساعات 20.40 تا شىعارامىز» ، - دەدى ديرەكتسيا ديرەكتورى.
ونىڭ سوزىنە قاراعاندا، ۇلتتىق ارنا 6 - شىلدە كۇنى 5 ساعاتقا جۋىق تىكەلەي قوسىلۋلارىمەن ەرەكشەلەنبەك. اتاپ ايتقاندا، ساعات 13.00 دە «اقپارات» باعدارلاماسى كوشپەلى ستۋديادان مەرەكەلىك شىعارىلىمىن ۇسىنادى. قالا بويىنشا ءوتىپ جاتقان بارلىق مەرەكەلىك شارالاردى تولىق قامتيتىن بولادى. ۇلتتىق ارنا جۇرگىزۋشىلەرى قىمبات دوسجان مەن جانسەرىك بەيسەيەۆ كورەرمەندەرمەن، قالا قوناقتارىمەن كەزدەسىپ، ءتۇرلى ۆيكتورينالار ۇيىمداستىرسا، دانيار مەڭىلبەكوۆ، يرينا ءتان، مەيىرجان الىبەك ۇلى، دانا نۇرجىگىت، قايرات ادىلكەرەيلەر كورەرمەنمەن جۇزدەسىپ مەرەكەلىك شارالار ورتاسىنان تىكەلەي قوسىلادى.
«باستى تاقىرىپ» ، «ماسەلە» جانە «ەلدەن حابار» باعدارلامالارى دا ەل ىشىنەن تىكەلەي ەفيرگە قوسىلادى. قىزىقتى سپيكەرلەر، تاماشا ويىندار، ۆيكتورينالار وتكىزىلەدى. كوشپەلى ستۋديانىڭ سوڭعى قوسىلۋى ساعات 17.00 دە. بارلىق ايماقتارداعى ءوتىپ جاتقان شارالاردى قامتۋمەن قاتار، كۇندەلىكتى قورىتىندى جاڭالىقتار كەشكى 20.00 دا شىعادى.