اقوردانىڭ باسپا ءسوز قىزمەتى رەسەيلىك عارىشكەرلەردىڭ ەلوردانى 20 جىلدىعىمەن قۇتتىقتاعان بەينەجولداۋىن Facebook جەلىسىنە جاريالادى.
«قۇرمەتتى نۇرسۇلتان ءابىش ۇلى، كورشىلەس قازاقستان حالقى، ءبىز، حالىقارالىق عارىش ستانساسىنا اتتانعان 56-ەكسپەديتسيا مۇشەلەرى، سىزدەردى استانانىڭ 20 جىلدىق مەرەيتويىمەن شىن جۇرەكتەن قۇتتىقتايمىز! استانا - ەرەكشە كەلبەتىمەن كوزگە تۇسەتىن، كۇننەن كۇنگە دامىپ كەلە جاتقان اسەم قالا. استانا - جاس، جىگەرلى، ماقساتى ايقىن جانداردىڭ مەكەنى. بۇل شاھاردا بارلىق ارماندار ورىندالادى. سىزدەرگە بەيبىتشىلىك پەن اشىق اسپان تىلەيمىز. اسەم قالا استانا گۇلدەنە بەرسىن!»، - دەدى ولەگ ارتەميەۆ.
سونداي-اق، عارىشكەرلەر ەلوردادا عارىش سالاسىنىڭ دامىپ، ۇلتتىق عارىش ورتالىعىنىڭ اشىلعانىنا ريزاشىلىقتارىن ءبىلدىردى. بۇعان - قازىرگى تاڭدا جۇرگىزىلىپ جاتقان عارىش اپپاراتىن قۇراستىرۋ- سىناۋ كەشەنىنىڭ قۇرىلىسى دالەل. بۇدان بولەك، ەلىمىزدە جەردى قاشىقتىقتان الدىن الا تەكسەرۋ، بايلانىس جانە حابار تاراتۋ جۇيەلەرى ىسكە قوسىلدى.