سينگاپۋردا استانانىڭ 20 جىلدىعى اتالىپ ءوتتى
شاراعا سينگاپۋر ۇكىمەتىنىڭ، ديپلوماتيالىق كورپۋستىڭ، بيزنەس-قۇرىلىمداردىڭ، مادەني جانە عىلىمي ورتانىڭ، ب ا ق- تىڭ وكىلدەرى جانە ارال مەملەكەتتە تۇرىپ جاتقان قازاقستان ازاماتتارى قاتىستى.
قازاقستاننىڭ سينگاپۋردەگى ەلشىسى ۇسەن سۇلەيمەن ءوزىنىڭ سوزىندە قازاقستان استاناسىنىڭ 20 جىل ىشىندە ساياسي، ەكونوميكالىق جانە مادەني ورتالىعىنا اينالعاندىعىن اتاپ ءوتتى. ەل ورداسى استانا ءوزىن ديپلوماتيا مەن بەيبىتشىلىكتىڭ ماڭىزدى ورتالىعى رەتىندە تانىتا ءبىلدى.
«استانا مەملەكەت تاۋەلسىزدىگىنىڭ باستى برەندىنە، ق ر پرەزيدەنتى نۇرسۇلتان نازاربايەۆتىڭ كورەگەندى ساياساتىنىڭ ناتيجەسىنە اينالدى»، - دەدى ول.
ديپلومات بيىلعى جىلدىڭ شىلدە ايىنىڭ العاشقى ون كۇندىگىندە قازاقستان استاناسىندا ۇلكەن مەرەكەلىك شارالاردىڭ ۇيىمداستىرىلاتىندىعىن ايتا كەلە، قابىلداۋعا كەلگەن قوناقتاردى استاناعا كەلۋگە شاقىردى.