يرانعا 20 توننا ەت ەكسپورتتالدى
15:19, 26 - قاراشا 2017
استانا. قازاقپارات - 2017-جىلدىڭ شىلدە ايىندا قازاقستان رەسپۋبليكاسى مەن يران مەملەكەتى اراسىندا يرانعا مۇزداتىلعان جانە سالقىنداتىلعان قوي ەتىن ەكسپورتتاۋعا ۆەتەرينارلىق تالاپتارى كەلىسىلگەن بولاتىن.
وسىعان وراي، قازىرگى تاڭدا يران ەلىنىڭ نارىعىنا مال شارۋاشىلىعى ونىمدەرىن ەكسپورتتاۋ جۇمىستارى جالعاسۋدا، دەپ حابارلايدى ق ر ا ش م باسپا ءسوز قىزمەتى.
جىل باسىنان بەرى ەلىمىزدەن 118,4 توننا ءتىرى قوي، 132,2 توننا قوي ەتى وسى مەملەكەتكە ەكسپورتتالىپ وتىر. سونداي-اق، باتىس قازاقستان وبلىسىنداعى «كۋبلەي» ج ش س مەن يران كومپانيالارى اراسىندا جاسالعان كەلىسىمشارت اياسىندا جىل سوڭىنا دەيىن وسى ەلگە 200 توننا قوي ەتىن جەتكىزۋ جوسپارلانعان.
جىل باسىنان باتىس قازاقستان وبلىسىنان يران مەملەكەتىنە 80 توننا قوي ەتى ەكسپورتتالدى.
بارلىق اتقارىلىپ جاتقان جۇمىستار ەكى ەلدىڭ اۋىل شارۋاشىلىعى مينيسترلىگىنىڭ باقىلاۋىمەن جۇزەگە اسىپ وتىر.