باتىس قازاقستاندىق ساقشىلار ىزدەستىرگەن 20 قىلمىسكەر رەسەيدە ۇستالدى
بۇل تۋرالى ورالداعى دوستىق ۇيىندە رەسەيدىڭ كورشىلەس بەس ءوڭىرى مەن اتىراۋ وبلىسى ىشكى ىستەر قۇرىلىمدارى باسشىلارىنىڭ قاتىسۋىمەن وتكەن كەڭەستە ب ق و ىشكى ىستەر دەپارتامەنتىنىڭ باستىعى، پوليتسيا گەنەرال- مايورى ماقسۇتحان ابلازيموۆ ءمالىم ەتتى، دەپ حابارلايدى «قازاقپارات» ءتىلشىسى.
ەسىرتكى بيزنەسىنە قارسى كۇرەس، حالىقارالىق تەرروريزم مەن ءدىني ەكسترەميزم جانە زاڭسىز كوشى- قون ماسەلەلەرى تالقىلانعان جيىندا م. ابلازيموۆتىڭ ايتۋىنشا، سول سەكىلدى اتالعان مەرزىمدە رەسەيلىك قۇقىق قورعاۋ ورگاندارى ىزدەۋ سالعان 37 قىلمىسكەر بقو اۋماعىندا قۇرىقتالدى. مۇنداي باعىتتاعى جۇمىستارعا قازاقستان جانە رەسەي فەدەراتسياسى ىشكى ىستەر مينيسترلىكتەرى بىرلەسكەن القاسى اياسىندا بەكىتىلگەن ۆەدومستۆوارالىق كەلىسىمنىڭ تىڭ سەرپىن بەرەرى انىق. بۇل، اسىرەسە، رەسەيدىڭ بەس بىردەي وڭىرىمەن شەكتەسەتىن باتىس قازاقستان وبلىسى ءۇشىن ەرەكشە ماڭىزدى.
دەپارتامەنت باستىعى ءوڭىر باسشىلىعىنىڭ قولداۋى ناتيجەسىندە قىلمىس سانىنىڭ، سونىڭ ىشىندە اسا اۋىر قىلمىستاردىڭ 30,3, اۋىر قىلمىستاردىڭ 16,2 پايىزعا ازايعانىن جەتكىزدى.
كەڭەسكە قاتىسقان وبلىس اكىمىنىڭ ورىنباسارى باعدات ازبايەۆ ەكى ەل اراسىندا بارلىق سالادا، سونىڭ ىشىندە قىلمىس اتاۋلىمەن كۇرەستە ءوزارا ءتيىمدى قارىم- قاتىناستىڭ ماڭىزى زور ەكەندىگىن اتاپ ءوتتى.
جيىن بارىسىندا شەكارالىق ىنتىماقتاستىق پەن بىرلەسكەن ءىس- قيمىلدى نىعايتۋ تۋرالى ر ف ىشكى ىستەر مينيسترلىگىنىڭ بەس وبلىستاعى باس باسقارماسىنىڭ باسشىلارى ءوز وي- تولعامدارىن ءبىلدىرىپ، اسىرەسە، حالىقارالىق تەرروريزم مەن ءدىني ەكسترەميزم، ەسىرتكى تاسىمالى مەن بيزنەسىنە، زاڭسىز كوشى- قون مەن ادام ساۋداسىنا قارسى كۇرەسكە ەرەكشە نازار اۋداردى. مىسالى، ر ف ءى ءى م ورىنبور وبلىسى بويىنشا باس باسقارماسىنىڭ باسشىسى ميحايل داۆىدوۆ قىلمىسپەن كۇرەس شەكارالاس ايماقتار ءۇشىن ايرىقشا ماڭىزعا يە بولىپ وتىرعانىن، سوندىقتان بىرلەسىپ جۇمىس جاساۋمەن بىرگە جاڭاشا ءىس- تاسىلدەرگە كوشۋ قاجەتتىگىن جەتكىزدى.
زاڭسىز كوشى- قون، ەسىرتكى مەن قارۋ تاسىمالى سەكىلدى ءقاۋىپتى قۇبىلىستارعا توسقاۋىل قويمايىنشا، مەملەكەتتىڭ تىنىشتىعىن قامتاماسىز ەتۋ مۇمكىن ەمەس. بۇل رەتتە حالىقارالىق قىلمىستىق توپتاردىڭ جولىن كەسۋ ءۇشىن ۇيلەسىمدى جەدەل ىزدەستىرۋ شارالارىن جۇرگىزۋدىڭ ءمانى زور. حالىقارالىق تەرروريزم مەن ءدىني ەكسترەميزم قاۋپى ءتونىپ تۇرعان مەزگىلدە ەكى ەلدىڭ ارنايى قىزمەتتەرى باقىلاۋعا العان ادامداردىڭ بايلانىسىن دا دەر كەزىندە انىقتاي ءبىلۋ كەرەك.
ق ر ءى ءى م ساراتوۆ، استراحان، ۆولگوگراد جانە سامارا وبلىستارى بويىنشا باس باسقارمالارىنىڭ باسشىلارى دا ۇسىنىس- پىكىرلەرىن ءبىلدىردى.
كەڭەس سوڭىندا ق ر جانە ر ف ىشكى ىستەر قۇرىلىمدارىنىڭ شەكارالاس ىنتىماقتاستىعى بويىنشا بىرلەسكەن حاتتاماعا قول قويىلدى.