ەكى ايەلدى زورلاعان تانىمال فۋتبولشى 20 جىلعا سوتتالىپ كەتتى
16:33, 01 - جەلتوقسان 2016
استانا. قازاقپارات - ۇلتتىق فۋتبول ليگاسىنىڭ (امەريكالىق فۋتبول) 2010-جىلعى چەمپيونى داررەن شارپەر ەكى ايەلدى زورلاعانى ءۇشىن 20 جىلعا باس بوستاندىعىنان ايىرىلدى.
بۇل تۋرالى شەتەلدىك باسىلىمىعا سىلتەمە جاساپ Prosports.kz حابارلادى.
جاپا شەككەندەر ەكس-فۋتبولشىنىڭ ۇيىقتاتاتىن ءدارى بەرىپ، كەيىننەن زورلاعانىن مالىمدەگەن. ءدال وسىنداي مالىمدەمەمەن تاعى بىرنەشە ايەل كۋالىك بەرگەن. بۇل ىستە جالپى سانى ونعا جۋىق ارىزدانۋشى بولعان.
سوتتالۋشى 2013-جىلدان بەرى قاماۋدا بولعان. ول كىناسىن تولىقتاي مويىندادى.
شارپەر ۇ ف ل- دىڭ جۇلدىزدى ماتچتارىنا بىرنەشە رەت قاتىسقان. ول ەكى مارتە ۇ ف ل- دىڭ قۇراماسىنا الىنعان. سونىمەن قاتار، ول ونجىلدىقتىڭ (2000-09) قۇرامىنا ىلىككەن بولاتىن.