رەسەيدە قۇرمانعازى كەسەنەسىنىڭ 20 جىلدىعى اتالىپ وتىلەدى
دەپ حابارلايدى astrakhan-24.ru.
شاراعا استراحان وبلىسى مەن ۆولودارسكيي اۋداندىق ءبىلىم مەكەمەسىنىڭ باسشىلىعى، قوعام وكىلدەرى، جاستار جانە وقۋشىلار قاتىسادى.
كۇيشى باتىس قازاقستان وبلىسىنىڭ جاڭاقالا اۋدانىنا قاراستى جيدەلى دەگەن جەردە 1823 - جىلى دۇنيەگە كەلگەن. توپىراق بۇيىرعان ورنى - رەسەيدىڭ استراحان وبلىسىنىڭ قازىرگى «قۇرمانعازى توبە» دەپ اتالاتىن جەر.
قۇرمانعازىنىڭ بالا كەزىنەن - اق ەڭ ايتقىش ءتىلى، ەڭ سەزىمتال ءتىلى قوس ىشەكتى دومبىرا كومەيىنەن شىعاتىن كۇي ءتىلى ەدى.
قۇرمانعازىنىڭ عۇمىر كەشكەن ۋاقىتى، اسىرەسە وڭ سولىن تانىپ، ءومىر- تىرشىلىككە بەلسەنە ارالاسا باستاعان كەزى مەيلىنشە كۇردەلى ەدى. بۇل كەزەڭ پاتشالىق رەسەي جۇرگىزگەن وتارشىل ساياساتتىڭ ەڭ ءبىر قارقىن العان، ابدەن قۇنىققان، شەكتەن شىعا باسىنعان كەزى بولاتىن. قۇرمانعازىنى سۋرەتكەر رەتىندە ايرىقشا دارالاپ كورسەتەتىن قاسيەت - ول كونسەپتۋالدى كۇيشى. ءبىر ۇرپاق ەمەس، ەكى ۇرپاق ەمەس، بىرنەشە ۇرپاقتىڭ تاعدىرىنا ىقپال ەتەتىن زامانالىق قۇبىلىستارعا بويلاي ءۇڭىلىپ، وي تولعاۋ قۇرمانعازىنىڭ رۋحاني بولمىسىنا ءتان.