سوڭعى كۇندەرى بۋەنوس- ايرەس (ارگەنتينا) جاعاجايلارىندا جيىرمادان استام ءولى دەلفين تابىلدى.
بۇعان بەي- جاي قاراي الماعان Mundo Marino قورىنىڭ عىلىمي قىزمەتكەرلەرى دەلفيندەردىڭ قىرىلۋ سەبەپتەرىن انىقتاپ جاتىر.
«17 ءولى دەلفيننىڭ دەنەسىن زەرتتەپ جاتىرمىز. بۋەنوس- ايرەستەن تابىلعان قالعان سۋ جاندىكتەرىنىڭ دەنەسى زەرتتەۋ ءۇشىن جارامسىز بولىپ قالدى. دەلفيندەردىڭ قىرىلۋىنا نە سەبەپ بولعانىن انىقتاۋعا تىرىسامىز»، - دەپ جازدى قور وكىلدەرى Facebook جەلىسىندەگى رەسمي پاراقشاسىندا.
دەلفيندەردىڭ باسىم بولىگىندە بالىقشىنىڭ اۋىنان قالعان ىزدەر بار ەكەنى اتالىپ ءوتىلدى. ەكولوگتار جەرگىلىكتى تۇرعىنداردى ءولى دەلفيندەردى تاپقان جاعدايدا دەرەۋ حابارلاپ، سۋرەتتەرىن جىبەرۋدى سۇرادى.
ارگەنتينا، برازيليا جانە ۋرۋگۆاي جاعالاۋلارىندا مەكەندەيتىن فرانسيسكاندىق دەلفيندەر پوپۋلياتسياسىنىڭ سانى قىرىق مىڭعا جۋىق. الايدا جىل سايىن جۇزدەگەن دەلفين ءتۇرلى سەبەپتەرمەن قىرىلىپ جاتىر.