حاكەرلەر امەريكانىڭ 20 مىڭ قاۋىپسىزدىك قىزمەتكەرىنىڭ مالىمەتتەرىن جاريا ەتتى
10:27, 09 - اقپان 2016
استانا. قازاقپارات - تۋيتتەردە DotGovs اتاۋىمەن بەلگىلى حاكەرلەر توبى امەريكانىڭ فەدەرالدىق تەرگەۋ بيۋروسىنىڭ 20 مىڭ قىزمەتكەرىنىڭ بايلانىس دەرەكتەرىن جاريالادى، دەپ حابارلايدى CNN.
تاياۋدا حاكەرلەر ا ق ش- تىڭ ۇلتتىق قاۋىپسىزدىك مينيسترلىگىنىڭ 10 مىڭ قىزمەتكەرىنىڭ جەكە مالىمەتتەرىن جاريالاعان. ولاردىڭ ايتۋىنا قاراعاندا بۇل مالىمەتتەر مينيسترلىكتىڭ دەرەك قورىن بۇزۋ ارقىلى الىنعان.
جاريالانعان قۇجاتتاردا قاۋىپسىزدىك قىزمەتكەرلەرىنىڭ اتى، لاۋازىمى، ەلەكتروندىق پوشتاسى مەن بايلانىس نومىرلەرى كەلتىرىلگەن.
«مينيسترلىك قازىر بايلانىس اقپاراتتار ساقتالعان جۇيەگە سانكسياسىز كىرۋ وقيعاسىن تەكسەرۋدە»، - دەپ مالىمدەدى ۆەدومستۆونىڭ رەسمي وكىلى پيتەر كارر.