ۇ ب ت سۇراقتارىنىڭ 20 مىڭى جاڭارتىلدى - ءبىلىم ءمينيسترى
«بيىل ۇ ب ت سۇراقتارىنىڭ 20 مىڭى جاڭارتىلدى. مۇقيات قاراپ شىقتىق. ونىڭ باسىم بولىگى لوگيكالىق سۇراقتار»، - دەدى ول تىلشىلەرگە بەرگەن سۇحباتىندا.
بيىل ۇ ب ت- عا جالپى 87 مىڭنان استام وقۋشى قاتىسادى دەپ جوسپارلانعان. بۇل، جالپى تۇلەكتەر سانىنىڭ 71 پايىزى. ولاردىڭ ىشىندە قازاق ءتىلدى وقۋشىلار سانى - 62 مىڭنان اسادى، ال 25 مىڭى - ورىس ءتىلدى.
جىل سايىن ۇ ب ت- عا بيۋدجەتتەن 1 ميلليارد تەڭگەگە جۋىق قاراجات بولىنەدى. بۇل تۋرالى بۇگىن ۇ ب ت پۋنكتەرىنىڭ بىرىنە بارعان ق ر ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.
«بيىل قوسىمشا 10 پۋنكت اشىلدى، ارنايى اۋىلدا تۇراتىن بالالار ءۇشىن. كەلەسى جىلى تاعى 17 پۋنكت اشۋ جوسپاردا بار. جىل سايىن ۇ ب ت- عا بيۋدجەتتەن 1 ميلليارد تەڭگەگە جۋىق قاراجات بولىنەدى. بيىل دا شامامەن وسىنداي قارجى ءبولىندى»، - دەدى مينيستر.
ايتا كەتۋ كەرەك، بيىل 12 جىلدىق وقۋ باعدارلاماسىمەن مەكتەپ بىتىرگەن وقۋشىلار العاش رەت ۇ ب ت- عا قاتىسادى. تۇلەكتەرگە ۇلكەن ومىرگە جولداما بەرەتىن ۇلتتىق تەست 2-8 - ارالىعىندا وتەدى.
رەسپۋبليكا بويىنشا، 165 پۋنكت جاراقتالدى. ايتا كەتۋ كەرەك، بيىلدان باستاپ، ۇ ب ت- نىڭ ەرەجەلەرى وزگەرتىلدى.
اۆتور: جاسۇلان جولدىبايەۆ