شەتەلدە جۇرگەن 20 مىڭعا جۋىق قازاقستاندىق كەزەكتەن تىس پرەزيدەنت سايلاۋىندا داۋىس بەرەدى
بۇل تۋرالى بۇگىن ءوزىنىڭ بلوگىندا ق ر سىرتقى ىستەر ءمينيسترى ەرلان ىدىرىسوۆ ءمالىم ەتتى.
ول قازاقستاننىڭ ديپلوماتيالىق وكىلدىكتەرى جانىندا 65 ۋچاسكەلىك سايلاۋ كوميسسيالارى ۇيىمداستىرىلعانىن اتاپ ءوتتى. بۇل وتكەن پرەزيدەنت سايلاۋىنا قاراعاندا، ەكى ەسە كوپ. بارلىق ۋچاسكەلەر قاجەتتى ينفراقۇرىلىم مەن سايلاۋ ماتەريالدارىمەن جابدىقتالعان. ەلشىلىكتەر بريفينگتەر مەن وزگە تۇسىندىرمە جۇمىستارىن جۇرگىزۋدە.
«ءبىزدىڭ تاراپپەن ورتالىق سايلاۋ كوميسسياسىنان سايلاۋ بيۋللەتەندەرى الىنىپ، ارنايى وقىعان وكىلەتتى قىزمەتكەرلەرىمىز ولاردى بارلىق سايلاۋ ۋچاسكەلەرىنە جەتكىزۋ ءۇردىسى جۇزەگە اسىرىلۋ ۇستىندە. ساناۋىمىزشا، شەتەلدە جۇرگەن 20 مىڭعا جۋىق ق ر ازاماتتارى الداعى سايلاۋعا قاتىسا الادى»، - دەپ حابارلادى ول.
ءمينيستردىڭ حابارلاۋىنشا، بۇگىنگى تاڭدا سايلاۋ ءۇردىسىن ب ا ق- قا تاراتۋ ءۇشىن قازاقستانعا كەلۋ نيەتىن بىلدىرگەن 170 كە جۋىق شەتەل جۋرناليستەرى قر ءسىم- دە رەسمي تۇردە تىركەلدى.
«ءبىز ولارعا بارىنشا قولايلى جاعداي جاساۋعا تىرىستىق، بريفينگتەر مەن ينتەرۆيۋ وتەتىن ارنايى باسپا ءسوز ورتالىعىن قۇردىق»، - دەپ اتاپ ءوتتى ول.
مينيستر سونداي- اق قازاقستاننىڭ ىشكى زاڭناما ەرەجەلەرىنە مەن جوعارى حالىقارالىق ستاندارتتارعا ساي بارىنشا اشىق، ءادىل سايلاۋ وتكىزۋگە نيەتتى ەكەنىن جەتكىزدى.
«ەلىمىز حالىقارالىق باقىلاۋشىلارىمەن ىنتىماقتاسۋعا مۇددەلى. كەزەكتەن تىس سايلاۋدى باقىلاۋ ءۇشىن ە ق ى ۇ/د ي ا ق ب، ي ى ۇ، ش ى ۇ، تۇرك ى پ ا، ت م ى ۇ، ت م د، ۇ ق ك ۇ پارلامەنتتىك اسسامبلەياسى سەكىلدى ءتۇرلى حالىقارالىق ۇيىمداردىڭ 1000 نان اسا وكىلدەرى، سونىمەن قاتار، 37 ەلدەن تاۋەلسىز شەتەل بايقاۋشىلارى قازاقستانعا كەلەدى»، - دەپ ءتۇيدى ول.