استانادا قازاقستان حالقى اسسامبلەياسىنىڭ 20 جىلدىعىنا وراي «ءتىل - ۇلت جانە مەملەكەت نەگىزى» اتتى دوڭگەلەك ۇستەل وتەدى
دوڭگەلەك ۇستەلدىڭ باستى ماقساتى - مەملەكەتتىك ءتىلدىڭ ۇلت جانە مەملەكەت ءۇشىن ماڭىزدىلىعىن، نەگىز ەكەنىن كورسەتۋ. انا ءتىل ۇعىمىن قالىپتاستىرا وتىرىپ، قازاق حالقى انا ءتىلىنىڭ قوعامداعى باسىمدىلىعىن، رۋحاني ۇيىستىرۋشى، ۇلتارالىق بىرلىكتى نىعايتۋشى فاكتور رەتىندەگى ايقىن ءرولىن ءتۇسىندىرۋ، سونىمەن قاتار قازاقستانداعى ەتنوستاردىڭ انا تىلدەرىنىڭ دامۋى مەن ساقتالۋى جونىندە پىكىر الماسۋ.
وتىرىس بارىسىندا «ماڭگىلىك ەل» جالپىۇلتتىق يدەياسىنىڭ ۇلت رۋحانياتى جانە ەل بىرلىگى تۇرعىسىنداعى قۇندىلىقتارى، ەل تۇتاستىعى مەن بىرلىگىن، تاتۋلىعى مەن تىنىشتىعىن كۇشەيتۋدەگى مەملەكەتتىك ءتىلدىڭ مارتەبەسى مەن ورنى توڭىرەگىندە وي قوزعالماق.
اتالعان ءىس- شاراعا ق ر پارلامەنتى ءماجىلىسىنىڭ دەپۋتاتتارى الدان سمايىل، كامال بۇرحانوۆ، روزاقۇل حالمۇرادوۆ، ورازكۇل اسانعازى، زۋحرا ساياپوۆا، ءاسيما بيمەندينا، باقىتبەك سماعۇل، زيالى قاۋىم وكىلدەرى جامبىل ارتىقبايەۆ، ءومىرزاق وزعانبايەۆ، سۇلتان ورازالى، مۇحامبەديا احمەتوۆ، عاريفوللا ەسىم، قازاقستان حالقى اسسامبلەياسى، ورتالىق جانە جەرگىلىكتى اتقارۋشى ورگان، ۇكىمەتتىك ەمەس ۇيىم جانە جاستار قوزعالىستارى، وقۋ ورىندارىنىڭ وكىلدەرى، ەتنو- مادەني بىرلەستىكتەر مەن جەكسەنبىلىك مەكتەپ جەتەكشىلەرى، بلوگەرلەر، ب ا ق وكىلدەرى جانە ت. ب. شاقىرىلدى.