ۇرى 20 مىڭ دوللار تۇراتىن گاۋھار تاستى ساقينانى جۇتىپ قويدى
08:23, 17 - جەلتوقسان 2014
استانا. قازاقپارات - ۇلى بريتانيانىڭ برايتون قالاسىنداعى زەرگەرلىك دۇكەنگە ۇرىلار ءتۇستى.
22 جاستاعى رايحانۋر چۋدۋحري سىبايلاستارى ساتۋشىنى الداندىرىپ تۇرعان ساتىندە دۇكەننىڭ سورەسىندە تۇرعان 18 كاراتتى گاۋحار تاستى ساقينانى جۇتىپ جىبەرگەن.
دۇكەننىڭ قىزمەتكەرلەرى بۇنى بايقاپ قالىپ، پوليتسيا شاقىرتادى. دۇكەندە ورناتىلعان بەينەباقىلاۋدا جىگىتتىڭ قولىنداعى زاتتى اۋزىنا اپارعانى انىق جازىلعان.
ءتارتىپ ساقشىلارى ۇرىنى دارەتحاناعا بىرنەشە ساعاتقا قاماپ تا قويعان، الايدا ول جۇزىكتى قايتارمادى. سونداي-اق پوليتسەيلەر ۇرىنى رەنتگەنگە ءتۇسىرۋ كەزىندە ونىڭ اسقازانىنان ەشقانداي جۇزىك كورىنبەدى. ال زەرگەرلىك دۇكەنىنىڭ ساتۋشىسى جۇزىك ۇرىنىڭ اسقازانىندا ەكەنىنە كۇمان كەلتىرمەي وتىر. اتالعان ءىس بويىنشا سوت تىڭدالىمى 17 - جەلتوقسان كۇنى وتەدى، دەپ جازادى شەتەلدىك ب ا ق.