ايگىلى گولليۆۋد اكتەرى تۇنگى كلۋبتان 20 قىزبەن بىرگە شىقتى
دەرەككوزدىڭ مالىمەتىنشە، 40 جاستاعى لەوناردو دي كاپريو ماياميگە 4-7 - جەلتوقسان ارالىعىندا وتكەن Art Bazel ونەر جارمەڭكەسىنە كەلگەن. سودان كەيىن اكتەر ساۋس-بيچ اۋدانىندا Art Bazel جارمەڭكەسىنىڭ اياقتالۋىنا بايلانىستى ءوتىپ جاتقان كوڭىل كوتەرۋ كەشىنە باردى.
ول جاقتان دي كاپريو كوپتەگەن بويجەتكەندەرمەن بىرگە شىعىپ كەتتى. "لەو مەن 20 قىز. ول - مەنىڭ قاھارمانىم"، - دەدى قوناقتاردىڭ ءبىرى. لەوناردو دي كاپريو مەن سۇلۋلاردىڭ ناقتى قايدا كەتكەنى جايلى مالىمەت جوق.
تىلشىلەر بولسا دي كاپريونىڭ Victoria's Secret ىشكيىم برەندىنىڭ 22 جاستاعى مودەلى توني گاررنمەن قارىم- قاتىناسىن ۇزگەنىن وسىلاي دالەلدەپ وتىرعانىن جازادى.
ەسكە سالا كەتەيىك، 2014 - جىلدىڭ ماۋسىم ايىندا لەوناردو دي كاپريونىڭ باسى داۋعا قالعان ەدى. فوتومودەل كەتي كليريدىڭ كۇيەۋى ونىڭ گولليۆۋد جۇلدىزىمەن بىرگە جۇرگەنىن كورگەننەن كەيىن سۋيتسيد جاساعان بولاتىن. 40 جاستاعى شتەرننىڭ ولىمىنەن سوڭ مودەل پوليتسەيلەرگە كۇيەۋىنىڭ ءۇش ايعا جالعاسىپ جاتقان اجىراسۋ پروتسەسىنەن قينالىپ جۇرگەنىن جانە كۇيزەلىسكە ۇشىراعانىن ايتىپ بەردى.
19- مامىردا كليري مەن لەوناردو دي كاپريونىڭ كانن فەستيۆالىندە بىرگە كورىنگەنى بەلگىلى بولدى. ال بەلگىلى جۋرنالداردا "ۇلى گەتسبي" فيلمىنىڭ جۇلدىزى ءوز سۇيىكتىسىنىڭ قۇلاعىنا سىبىرلاپ جاتقانى بەينەلەنگەن سۋرەتتەر باسىلدى. فوتورەپورتاجدارعا قاراعاندا، اكتەر مەن مودەل ايىرىلاسپاعان.
tengrinews.kz