قازاقستان جۇرەككە جوعارى تەحنولوگيالى وپەراتسيا جاسايتىن 20 ەلدىڭ قاتارىنا جاقىندادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر دەنساۋلىق جانە الەۋمەتتىك دامۋ مينيسترلىگى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ ديرەكتورى ءسالىم بەركىنبايەۆ ءمالىم ەتتى.
كارديوحيرۋرگيا جەتىستىكتەرى ماسەلەسىنە توقتالعان ول، «قازاقستان اشىق جۇرەككە جوعارى تەحنولوگيالىق وپەراتسيا جاسايتىن 22 الدىڭعى قاتارلى ەلدەردىڭ تىزىمىنە ەنىپ وتىر. اتاپ ايتقاندا، جاساندى جۇرەك قارىنشاسىن اۋىستىرۋ كولەمى بويىنشا قازاقستان الەمدە الدىڭعى قاتارلارعا كىردى»، - دەدى.
بۇگىندە ەلىمىزدە جۇرەك-قان تامىرلارى دەرتتەرىنەن ءولىم-ءجىتىم كورسەتكىشى ايتارلىقتاي تومەندەدى. ماسەلەن، 2003 - جىلى بۇل ىندەتتەن ءولىم-ءجىتىم 100 مىڭ ادامعا شاققاندا 539 كورسەتكىشتى قۇراعان بولسا، 2013 - جىلى بۇل كورسەتكىش 100 مىڭ ادامعا شاققاندا 217 جاعدايعا دەيىن قىسقاردى.
س. بەركىنبايەۆتىڭ پايىمىنشا، ءبىرىنشى كەزەكتە بۇل جەتىستىك 2007-2009 - جىلدارعا ارنالعان كارديولوگيا جانە كارديوحيرۋرگيانى دامىتۋدىڭ مەملەكەتتىك باعدارلاماسىن جۇزەگە اسىرۋمەن بايلانىستى بولدى.
اۆتور: رۋسلان عابباسوۆ