جەرگە قاراي 20 مەترلىك استەرويد جاقىنداپ كەلەدى
مامانداردىڭ ەسەبىنشە، استەرويد 2014 RC استانا ۋاقىتىمەن ساعات 00:18 دە جاڭا زەلانديا ايماعىنا جاقىندايدى. عالىمدار بۇل استەرويد وربيتاسى مەن جەردىڭ وربيتاسى اراسىنداعى قاشىقتىق 40 مىڭ شاقىرىمدى قۇرايتىنىن ايتىپ وتىر.
استەرويد جەرگە قانشالىقتى جاقىنداپ كەلە جاتسا دا، ول تۇرعىندارعا جانە كوممۋنيكاتسيالىق سپۋتنيكتەردىڭ جۇمىسىنا قاۋىپ تۋعىزبايدى. استەرويدتىڭ جەردىڭ قاسىنان ءوتىپ بارا جاتقانىن تۇرعىندار تەلەسكوپتىڭ كومەگىمەن كورۋىنە بولادى ەكەن.
استەرويد 2014 RC العاش رەت 31- تامىزدا امەريكاندىق عالىمداردىڭ بايقاۋىمەن اريزون شتاتىندا تابىلعان بولاتىن. كەيىن ول تۋرالى ماعلۇماتتار ماسساچۋسەتس شتاتىندا ورنالاسقان كەمبريدج جاس عالامشارلار ورتالىعىنا جىبەرىلگەن. NASA اگەنتتىگىنىڭ حابارلاۋىنشا، استەرويدتىڭ ءجۇرۋ قوزعالىسى ونىڭ بولاشاقتا جەرگە تاعى دا جاقىنداۋى مۇمكىن ەكەندىگىن اڭعارتادى. ءبىراق ونىڭ وزىندە دە ول عالامشارعا قاۋىپ توندىرمەيتىن كورىنەدى.
Tengrinews.kz