بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
پوليتسەيلەردىڭ مالىمەتى بويىنشا، اۋداندىق ءى ءى ب كەزەكشىلىك بولىمىنە يابلونوۆكا سەلوسىنداعى «بالۋ 2005» ج ش س-نىڭ باس ديرەكتورى قويماداعى استىقتىڭ 3,8 تونناسى جەتپەي قالعانىن ايتىپ شاعىمدانعان. وسىعان بايلانىستى ق ر ق ك 175-بابىنىڭ 2- ءبولىمى بويىنشا قىلمىستىق ءىس قوزعالدى.
تەرگەۋ امالدارى بارىسىندا قىلمىسقا ستەپنوگور قالاسىنىڭ 1983 - جىلعى تۇرعىنى، ياعني، اتالعان سەرىكتەستىكتىڭ اتقارۋشى ديرەكتورىنىڭ قاتىسى بار ەكەنى انىقتالدى.
ول ءبىر ەمەس، وسىعان دەيىن تالاي رەت قويماداعى استىقتى جىمقىرىپ كەلگەن. ناتيجەسىندە سەرىكتەستىكتەن جالپى كولەمى 20,3 توننا استىق ۇرلاپ، 800 مىڭ تەڭگەگە شىعىن كەلتىرگەن.
قازىرگى كەزدە كۇدىكتى قىزمەتىنەن بوساتىلىپ، ودان ەشقايدا كەتپەۋ جونىندە قولحات الىندى.
اۆتور: اسلان وسپانوۆ