1. ادامگەرشىلىك - جاعىمدى ءسوز بەن مەيرىمدى كەسكىن ارقىلى عانا كورىنىس تابا بەرمەيدى.
2. كۇن سايىن مىنا ءۇش سۇراقتى وزىمە قويامىن: ادام بالاسى ءۇشىن شىن نيەتىممەن تىرىسا الدىم با؟ دوستارىممەن ەمەن-جارقىن سىرلاسا الدىم با؟ وزىمە قاجەت وسيەتتەردى ورىنداپ ءجۇرمىن بە؟
3. اتا-باباڭدى، ومىردەن وتكەندەردى سىيلاي بىلگەندە عانا يگىلىك اتاۋلى جاڭاشا تۇردە قالىپتاسادى.
4. بيلىك يەسى ءار ءىسىن يگىلىككە عانا نەگىزدەي السا، جامىراعان كوپ جۇلدىزدىڭ ىشىندەگى تەمىرقازىق ىسپەتتى جارقىراپ، حالىقتىڭ قۇرمەتىنە بولەنبەك.
5. ەگەر زاڭدى بارىنشا قاتايتىپ، جازالاۋدى عانا العا تارتا بەرسەك، حالىق ساقتىققا كوشكەنىمەن ار-ۇياتتان ايىرىلىپ قالادى. ال، يمانعا، يگى ىسكە باعىتتاپ، سالت-داستۇرگە نەگىزدەپ باسقارساق، حالىق يبالى بولادى، ءتارتىپتى قاستەرلەيدى.
6. ءىسى يگى، ساناسى ساۋ ادام ەشكىمنىڭ قارۋ-جاراعىنا اينالمايدى.
7. سانانى وياتپاسا، ءبىلىم - تۇل، بىلىممەن تابىلماعان سانا - قاتەرلى.
8. جات جاننىڭ يدەياسىمەن جۇرگەن ادام ورعا تۇسەدى.
9. حالىقتى سوڭىڭنان ەرتۋ ءۇشىن توعىشار، بۇزىقتاردى باسقارۋعا ەڭ ادال ادامدى تاعايىندا. ەگەر ارامدىعىن بىلە تۇرا اقىماقتىڭ اقىلداردى باسقارۋىنا جول بەرسەڭ، وندا سەنىڭ سوزىڭە ەشكىم قۇلاق اسپايدى.
10. ادامگەرشىلىگى بار ادام عانا جاقسىلاردى شىن سۇيە الادى، جامانداردى جەك كورە دە الادى.
11.ادام بالاسى ءناپسىقۇمارلىعىنىڭ سالدارىنان عانا وڭباي قاتەلەسەدى. بىرەۋدىڭ ءمىنىن اڭعارعان ادام اقىلدى جان.
12. ەگەر بىرەۋ ازىق-تۇلىكتەن، كيىم-كەشەكتەن مۇقتاجدىق كورەرىن العا تارتىپ، الىس ساپاردان باس تارتسا، ونداي قورقاقتىڭ سالەمىن الۋدىڭ دا قاجەتى جوق.
13. قۇت-بەرەكەلى مىقتى ادام يگىلىككە ۇمتىلادى. تۇككە تۇرمايتىن پەندەلەر اۋلاسىن عانا ماقتاپ، وتىرا بەرەدى. جازادان قورىقپاۋ - اقىلدىلىقتىڭ نىشانى. راقىمشىلىق پەن كەشىرىم دامەتۋشىلەر - ىنجىقتىقتار.
14. پايدا مەن ۇپايدى قانشالىقتى قاتتى كوزدەسەڭ، وزىڭە سونشالىقتى كوپ قاۋىپ-قاتەر توندىرەسىڭ.
15. جاقسى ادام ادىلدىككە ۇمتىلادى، جامان ادام تەگىن ولجاعا قۇنىعادى.
16. جاقسىنى كورسەڭ سونىمەن تەڭەسۋگە تىرىس، ساناسىزبەن جولىقساڭ، سىرىڭدى ىشكى ويىڭمەن عانا ءبولىس.
17. اتا- اناڭنىڭ جاسىنا كەلگەندە ولاردىڭ نە ءۇشىن قۋانىپ، قانداي نارسەگە الاڭ بولعانىن تۇسىنە باستايسىڭ.
18. ۋادەدە تۇرا الماۋدان قورىقساڭ، ءۇنسىز قالا بەر.
19. قانشالىقتى سابىرلى بولساڭ، سونشالىقتى از قاتەلەسەسىڭ.
20. ادام بالاسى تۋراشىل، ادىلدىگىنىڭ ارقاسىندا عانا ءماندى ءومىر سۇرەدى. ەگەر سەنىڭ اينالاڭدا الاياقتار مەن جەمقورلار ءتاۋىر تىرشىلىك ەتىپ جاتسا، ول كەزدەيسوقتىق ءارى ۋاقىتشا كورىنىس.