ساراپشىلار ادامداردىڭ شامامەن ى ءوز ەسىمىنە كوڭىلى تولماعاندىقتان، ال باسقالار ءدىني نانىم-سەنىمىنە بايلانىستى ونى وزگەرتەدى. ەندى بىرەۋلەر شەتەلدىككە ۇزاتىلىپ بارا جاتقاندا اكە-شەشەسىنىڭ ازان شاقىرىپ قويعان اتىن اۋىستىرادى. قالاي دەگەنمەن دە، جاڭا ەسىم جاڭا ءومىر باستاۋدىڭ نەگىزى دەگەن ۇستانىم ساقتالىپ كەلەدى.
«ون جاسقا دەيىن ءتولقۇجات مالىمەتتەرى تەگىن وزگەرتىلەدى. 16 جاسىندا كۋالىك العاننان سوڭ تۇلعانىڭ ءوزى حالىققا قىزمەت كورسەتۋ ورتالىعىنا جۇگىنە الادى. ارينە، بۇگىنگى تاڭدا بۇل پروتسەدۋرا شامالى ۋاقىت تالاپ ەتەدى. دەگەنمەن، كەلەشەكتە ونلاين-رەسۋرستاردىڭ كومەگىمەن ءتولقۇجات مالىمەتتەرىن ەكى ساعاتتىڭ ىشىندە وزگەرتۋگە بولادى»، - دەيدى اقتاۋ قالاسى احات ءبولىمىنىڭ باسشىسى ايشا ەلەمەسوۆا.
«قازاقستان اقتاۋ» تەلەارناسىنىڭ كورسەتۋىنشە، اتا-انالار بالاسىنا كەيدە ەلدەگى ماڭىزدى وقيعالارعا وراي ەسىم قويادى. مىسالى، تاياۋدا عانا استانادا حالىقارالىق مامانداندىرىلعان ەكسپو كورمەسىنىڭ قۇرمەتىنە بايدىبەكسپو ەسىمدى ۇل دۇنيەگە كەلدى. سونىمەن قاتار جەرگىلىكتى يمامدار پەرزەنتىنە ءمان-ماعىناسىز ەسىمدەردى قويۋدان اۋلاق بولۋعا كەڭەس بەرەدى.
«بالاعا ءمان-ماعىناسى جوق ەسىم قويۋعا بولمايدى. موداعا ەلىكتەۋدىڭ قاجەتى جوق، ماعىناسى تەرەڭ، ءجوندى ەسىم قويۋ قاجەت»، - دەيدى ماڭعىستاۋ وبلىستىق ورتالىق مەشىتىنىڭ نايب يمامى قالمۇقان قامبار ۇلى.
اقتاۋ قالالىق ا ح ا ت ءبولىمىنىڭ مالىمەتىنە قاراعاندا، 2017 -جىلى جەتى مىڭ بالا تىركەلگەن، ولاردىڭ اراسىندا ءاليحان، دىنمۇحامەد، رايانا، كاۋسار ەسىمدەرى مەيلىنشە كوپ تاراعان.