جاپونيادا نوسەر سالدارىنان قۇربان بولعاندار سانى 204 ادامعا جەتتى
10:59, 13 - شىلدە 2018
استانا. قازاقپارات - تولاسسىز جاۋعان جاڭبىر مەن سۋ تاسقىنى، لاي كوشكىنى سالدارىنان جاپونيادا قازا تاپقاندار سانى 204 ادامعا جەتتى.
بۇل تۋرالى جۇما كۇنى ەلدىڭ باس پوليتسيا باسقارماسى ءمالىم ەتتى، دەپ حابارلايدى ت ا س س.
Kyodo اگەنتتىگىنىڭ دەرەگى بويىنشا، 60 تان استام ادام ءىز-ءتۇزسىز جوعالعان جانە بايلانىسقا شىقپاعان. جەرگىلىكتى جەدەل قىزمەت پوليتسياسى ەلدىڭ ءوزىن-ءوزى قورعاۋ كۇشتەرى ساربازدارىنىڭ قولداۋىمەن ىزدەۋ جانە قۇتقارۋ وپەراتسيالارىن جۇرگىزىپ جاتىر.
وتكەن اپتانىڭ ورتاسىندا جاپونياعا تونگەن «پراپيرۋن» داۋىلى الاپات نوسەردى قوسا اكەلگەن بولاتىن. ەلدىڭ كەيبىر اۋداندارىندا بىرنەشە كۇنگى جاۋىن-شاشىن مولشەرى 1000 م م- دەن اسىپ كەتتى. مۇنشالىقتى الاپات نوسەر 1953-جىلدان بەرى بايقالماعان بولاتىن. ول كەزدە جاپونيانىڭ باتىسىنداعى كيۋسيۋ ارالىندا 759 ادام قازا تاۋىپ، 450 مىڭنان استام ادام باسپاناسىز قالعان بولاتىن.