2035-جىلعا قاراي قاي وڭىرلەر ەنەرگيا تاپشىلىعىنا بەيىم بولماق
استانا. قازاقپارات - 2035-جىلعا قاراي ەلىمىزدەگى ەلەكتر ەنەرگياسىنىڭ تاپشىلىعى 17,4 ميلليارد كيلوۆاتت/ساعاتقا جەتۋى مۇمكىن.
ەنەرگەتيكا مينيسترلىگىنىڭ مالىمەتىنشە، 2035-جىلعا قاراي ەلەكتر ەنەرگياسىن تۇتىنۋ كولەمى 152,4 ميلليارد كيلوۆاتت/ساعات دەڭگەيىندە بولاتىندىعى بولجانادى. سول ۋاقىتتا ەلىمىزدە قازىرگى ۋاقىتتا جۇمىس ىستەپ تۇرعان ەنەرگيا كوزدەرىنىڭ ءوندىرىسى 135 ميلليارد كيلوۆاتت/ساعاتقا دەيىن تومەندەيدى. دەمەك، ەنەرگيا تاپشىلىعى 17,4 ميلليارد كيلوۆاتت/ساعاتقا جەتۋى ىقتيمال.
«تاپشىلىققا ەڭ بەيىم وڭىرلەر - جامبىل، قىزىلوردا، تۇركىستان جانە جەتىسۋ وبلىستارى، سونداي-اق الماتى جانە شىمكەنت قالالارى كىرەتىن ەنەرگيا جۇيەسىنىڭ وڭتۇستىك ايماعى. تاپشىلىقتىڭ باستى سەبەبى - ەنەرگيا كوزدەرىنىڭ نەگىزگى ۇلەسى ەلەكتر جەلىسىنىڭ سولتۇستىك جانە باتىس ايماقتارىندا شوعىرلانۋىندا. وڭتۇستىك ايماقتا تەك 12 بازالىق ەنەرگيا كوزى بار. ولاردىڭ كەيبىرەۋلەرى نەگىزىنەن جىلۋمەن جابدىقتاۋعا باعىتتالعان جىلۋ ەلەكتر ستانسالارى سانالادى»، - دەپ تۇسىندىرەدى ۆەدومستۆودان.