فۋتبولدان 2030-جىلى وتەتىن الەم چەمپيوناتىن وتكىزۋگە قاي ەلدەر ءوتىنىم بەردى
بۇل تۋرالى ارگەنتينا فۋتبول فەدەراتسياسىنىڭ باسشىسى كلاۋديو تاپيا ءمالىم ەتتى، دەپ حابارلايدى قازاقپارات ءتىلشىسى.
ارگەنتينا فۋتبول فەدەراتسياسىنىڭ باسپا ءسوز قىزمەتىنەن ءمالىم ەتكەنىندەي، بۇل اتالمىش ءتورت ەلدىڭ تاريحىنداعى ماڭىزدى وقيعا بولماق.
«الەم كۋبوگىنىڭ 100 جىلدىعى قارساڭىندا ءبىز ونى تاعى دا وتكىزۋدى ارماندايمىز. ءبىز، وڭتۇستىك امەريكالىقتار، فۋتبولمەن ءومىر سۇرەمىز. بۇل ۇلكەن مىندەتتەمە ەكەندىگىن بىلەمىز. ارگەنتينا، ۋرۋگۆاي، پاراگۆاي جانە چيليدىڭ 2030-جىلعى الەم چەمپيوناتىن وتكىزۋگە لايىق ەكەندىگىن بۇكىل الەمگە دالەلدەيمىز»، دەدى ك. تاپيا.
ارگەنتينانىڭ وتكەن جىلى قاتارداعى الەم چەمپيوناتىنىڭ جەڭىمپازى اتانعانى ءمالىم.
كەلەسى دۇنيەجۇزىلىك بىرىنشىلىك 2026-جىلى ا ق ش پەن مەكسيكادا وتەدى.
ەسكە سالا كەتەيىك، بۇدان بۇرىن كريشتيانۋ رونالدۋدىڭ ساۋد ارابياسىنىڭ فۋتبولىنا قانداي وزگەرىس اكەلگەنىن جازعان بولاتىنبىز.
سونداي-اق ليونەل مەسسي وڭتۇستىك امەريكانىڭ ۇزدىك ويىنشىسى اتاندى.