مىسىر پرەزيدەنتى 2030 - جىلعا دەيىن مەملەكەت باسشىسى بولا الادى
13:27, 25 - ءساۋىر 2019
نۇر-سۇلتان. قازاقپارات - مىسىر پرەزيدەنتى ابدۋل- فاتتاح اس- سيسي 2030 -جىلعا دەيىن مەملەكەت باسشىسى بولىپ قالا الادى.
بۇل تۋرالى وسى ەلدىڭ ورتالىق سايلاۋ كوميتەتى جالپى ۇلتتىق رەفەرەندۋمنان كەيىن مالىمدەدى.
ەسكە سالا كەتەيىك، مىسىر حالقى وتكەن اپتادا پرەزيدەنت وكىلەتتىگىن 4 جىلدان 6 جىلعا دەيىن سوزۋدى داۋىسقا سالدى. حالىق تالقىسىنا 12 كونستيتۋتسيالىق وزگەرتۋ ۇسىنىلىپ، ولاردى سايلاۋشىلاردىڭ 89 پايىزى قولدادى.
ال ابدۋل- فاتتاح اس- سيسي مىسىرداعى بيلىك باسىنا 2014 -جىلى كەلىپ، وتكەن جىلى قايتا سايلانعان. ونىڭ مالىمدەۋىنشە، بۇل وزگەرىستەر ەلدەگى الەۋمەتتىك- ەكونوميكالىق رەفورمانى جالعاستىرۋعا مۇمكىندىك بەرەدى.