بۇل تۋرالى بۇگىن ۇكىمەت وتىرىسىندا ق ر پرەمەر-ءمينيسترىنىڭ ورىنباسارى - جاساندى ينتەللەكت جانە سيفرلىق دامۋ ءمينيسترى جاسلان ماديەۆ ءمالىم ەتتى.
- استانا، الماتى جانە قوسشىدا جۇرگىزۋشىسىز تاكسي بويىنشا پيلوتتىق جوبا ىسكە اسىرىلىپ جاتىر. الماتىدا درون ارقىلى جەتكىزۋ قىزمەتى پيلوتتىق رەجيمدە ىسكە قوسىلدى. استانا مەن الاتاۋدا اۋە تاكسيىنىڭ دەمونستراتسيالىق اۋە ساپارى وتكىزىلدى. وسىنداي اپپاراتتاردى پايدالانۋ جانە قونۋ ينفراقۇرىلىمىن دامىتۋ ءۇشىن زاڭناماعا وزگەرىستەر ەنگىزىلدى،- دەدى ج. ماديەۆ.
سونىمەن قاتار ول وتاندىق درون ءوندىرىسى دامىپ جاتقانىن ايتتى.
- 2027-جىلى جۇرگىزۋشىسىز تاكسيمەن كوممەرتسيالىق تاسىمالدى باستاۋ جانە درون ارقىلى جەتكىزۋ اۋقىمىن كەڭەيتۋ جوسپارلانعان. 2028-جىلى اۋە تاكسيىنىڭ كوممەرتسيالىق ساپارلارىن باستاۋ كوزدەلگەن. ءار كەزەڭدەگى باسىمدىق - قاۋىپسىزدىك پەن ينفراقۇرىلىمنىڭ دايىندىعى،- دەدى مينيستر.
ەسكە سالساق، بيىل شىلدەدە ەلوردادا اەروتاكسي العاش رەت سىناقتان ءوتتى.