بۇل جونىندە FIFA پرەزيدەنتى دجانني ينفانتينو الەۋمەتتىك جەلىدەگى پاراقشاسىندا جازدى.
- ءبىز حالىقارالىق وليمپيادا كوميتەتىنە فۋتزال مەن جاعاجاي فۋتبولىن وليمپيادالىق باعدارلاماعا قوسۋ ءۇشىن جەمىستى جۇمىسى ءۇشىن العىس بىلدىرەمىز. بۇل 2028-جىلعى ويىنداردى يننوۆاتسيالىق وقيعاعا اينالدىرادى دەگەن سەنىمدەمىن. بۇل باعىتتا سەرىكتەستەرىمىزبەن جۇمىس ىستەۋدى جالعاستىرامىز، - دەپ جازدى ول.
سونداي-اق ح و ك اتقارۋ كوميتەتى وليمپيادالىق فۋتبول تۋرنيرىندە ايەلدەر قۇرامالارىنىڭ سانى 12 دەن 16 عا ۇلعايتۋ جونىندە ۇيعارىمعا كەلدى.
ەسكە سالساق، بۇدان بۇرىن گرەكيانىڭ كوستا-ناۆارينو قالاسىندا وتكەن حالىقارالىق وليمپيادالىق كوميتەتىنىڭ (ح و ك) 144-سەسسياسىندا 2028-جىلى لوس-اندجەلەستە وتەتىن وليمپيادا ويىندارىنىڭ باعدارلاماسىنا بوكستى قوسۋ تۋرالى شەشىم قابىلداندى.