قازىردىڭ وزىندە قىزمەت كورسەتۋگە جانە ءوندىرىس جۇمىستارىنا ارنالعان روبوتتارعا سۇرانىس كۇننەن كۇنگە ارتىپ بارادى. لوندوننىڭ وڭتۇستىك- شىعىسىنداعى الىپ قويمادا 2 مىڭنان استام روبوت جۇمىس ىستەيدى. بەينە ءبىر الاڭدا دوپ ويناعان فۋتبولشىلار سياقتى. ءبىر سەكۋندتا 4 مەتر اۋماقتا قوزعالا الاتىن قۇرىلعىلار ونلاين ازىق- تۇلىك سۋپەرماركەتىنە تاپسىرىس بەرگەن تۇتىنۋشىلارعا كەرەگىن تاۋىپ، جيناپ، سالىپ، كولىككە تيەپ جىبەرەدى. قازىر بۇل روبوتتارعا حالىقارالىق بيزنەسمەندەر تاراپىنان قىزىعۋشىلىق جوعارى. سەبەبى پاندەميادان كەيىنگى كەزەڭدە جۇمىس كۇشىنىڭ تاپشى بولاتىن ءتۇرى بار. ال قىزمەتكەر قاتارى ازايعان سايىن سۇرانىس پەن جالاقى دا وسپەك.
قازىردىڭ وزىندە ا ق ش، جاپونيا، فرانسيا سياقتى 9 ەل ساتىپ الۋ تۋرالى شارتقا قول قويعان. تولىق اۆتوماتتاندىرىلعان قويما 10 جىلداي بۇرىن 310 ميلليون دوللارعا سالىنعان.
ليۋك دجەنسەن، Ocado كومپانياسىنىڭ باس ديرەكتورى:
- بۇعان دەيىن ونلاين ساۋدا شىعىنى كوپ سالا رەتىندە سانالىپ كەلدى. شىعىنسىز كىرىسكە قالاي قول جەتكىزەمىز دەپ ءبىراز باس قاتىردىق. ناتيجەسىندە وسىنداي جۇيە جاساپ شىقتىق. بۇگىندە تۇتىنۋشىنىڭ تاپسىرىس اكەلۋ ءۇشىن بىرەۋدى جۇگىرتە بەرۋ - وتە ءتيىمسىز شەشىم. بۇل ۋاقىت الادى ءارى جالاقى تولەپ، شىعىندالۋىڭ كەرەك. ال مۇندا تاپسىرىستى تولىق ورىنداۋعا بار بولعانى 6 اق مينۋت كەتەدى. ياعني كادىمگى دۇكەندە بەرىلگەن تاپسىرىسقا قاراعاندا 4-5 ەسە ءتيىمدى.
ريمدە جولاۋشى تاسيتىن اۋە تاكسي پايدا بولدى. فيۋميچينو اۋەجايىندا تانىستىرىلعان ۇشقىش كولىك 2024 -جىلى جالپى قولدانىسقا بەرىلمەك. توقپەن قوزعالاتىن تاكسيگە 2 ادام سىيادى. جولاۋشىلاردىڭ جۇگىن سالاتىن ورىن دا قاراستىرىلعان. كولەمى كىشى بولعانىمەن، 18 موتورى مەن قايتا قۋاتتالاتىن 9 باتارەياسى بار. قوزعالتقىشى كوپ بولسا دا، دىبىسى كادىمگى تىكۇشاقتاردان 4 ەسە تىنىش. تاعى ءبىر تيىمدىلىگى، تاكسي كولىگى 45 مينۋت جۇرەتىن جەرگە 15 مينۋتتا جەتىپ بارادى. الدىن الا مالىمەت بويىنشا، جولاۋشى 15 جول جۇرگەنى ءۇشىن 150 ەۋرو تولەۋى مۇمكىن.
ريم، ۆەنەتسيا، بولونيا قالالارى قازىردەن باستاپ اۋە تاكسيگە ارنالعان ينفراقۇرىلىم جاساۋعا كىرىسىپ كەتتى.
كريستيان باۋەر، Volocopter كومپانياسىنىڭ وكىلى:
- ءبىزدىڭ ەندىگى ماقساتىمىز - الداعى 2-3 -جىلدا ەۋروپانىڭ اۆياتسيا قاۋىپسىزدىگى اگەنتتىگىنەن كوممەرتسيالىق ليتسەنزيا الۋ. قازىردىڭ وزىندە ءبىز ەۋروپاداعى قالالاردان باسقا، ازيا ەلدەرىمەن، ونىڭ ىشىندە سينگاپۋرمەن ارىپتەستىك ورناتىپ جاتىرمىز. قازىر پاريج بەن ريم باسەكەگە ءتۇسىپ وتىر. كىم وزادى ەكەن؟ ءبىراق ەۋروپالىق 2 ءىرى قالانىڭ وسى جوبانى قولعا العانىن ماقتان تۇتامىن.
ال امستەردامداعى وزەندە قايىق- روبوت جۇرە باستادى. ونىڭ باستى ەرەكشەلىگى، وزدىگىنەن قوزعالادى. سالماعى 1200 كەلى بولاتىن ەلەكترلى سۋ كولىگى جولاۋشىلار مەن تاۋارلار تاسيدى. زاماناۋي قايىق 4 جىل سىناقتان وتكىزىلگەن. ونىڭ تاعى ءبىر ماڭىزدى قىزمەتى - قوقىس جيناپ، ونى دىتتەگەن جەرگە اپارادى. قالدىق تازالاۋعا ارنالعان جوبا كەلەسى جىلى تولىق ىسكە قوسىلماق. سونداي- اق بۇل قايىقتاردى ءبىر- بىرىنە جالعاپ، سۋ بەتىندە كونسەرت الاڭىن، ۋاقىتشا كوپىر جانە توگىلگەن مۇنايدى سۇزەتىن شەڭبەر قۇرۋعا بولادى.
ستەفان ۆان د ي ج ك، وزىق شەشىمدەر ينستيتۋتىنىڭ يننوۆاتسيالار جونىندەگى ديرەكتورى:
- امستەردامدا كولىك كەپتەلىسى - ۇلكەن ماسەلە. اسىرەسە، قالانىڭ ىشىندەگى تار كوشەلەردە قيىن. ءبىر جاقسىسى، بىزدە سۋ ارنالارى كوپ. وسى مۇمكىندىكتى نەگە ءتيىمدى پايدالانباسقا دەگەن وي كەلدى. ءبىر جەردەن ەكىنشى جەرگە باراتىن باعدار ارنايى جۇيە الدىن الا جوسپارلانادى. قايىق ءجۇزىپ قالعاندا جولىندا كەزدەسەتىن باسقا كەمەلەردى نەمەسە زاتتاردى سەزىپ- ءبىلىپ وتىرادى. ساعاتىنا 6-7 شاقىرىمعا دەيىن جۇرە الادى. ادامداردىڭ قاۋىپسىزدىگى جانە ۋاقىتىن جاقسى وتكىزۋى ءۇشىن ادەيى وسى جىلدامدىقتى تاڭداپ الدىق.
سوڭعى كەزدەرى ا ق ش- تاعى ءدامحانالاردان روبوت- داياشى مەن روبوت- اسپازدى كوپتەپ كەزدەستىرۋگە بولادى. جەرگىلىكتى رەستوراتورلار قاۋىمداستىعىنىڭ مالىمەتى بويىنشا، ەلدەگى تاماقتانۋ ورىندارىنىڭ 80 پروتسەنتتەن استامى قىزمەتكەر تاپپاي قالعان. بۇعان باستى سەبەپ - پاندەميا. سوندىقتان «اقىلدى قۇرىلعىلار» قولدانىسقا كەڭىنەن ەنگىزىلە باستادى.
كاسىپكەرلەر روبوتتار جۇمىستى تەزدەتىپ قانا قويماي، شىعىن كولەمىن قىسقارتتى دەپ قۋانىپ ءجۇر. عالامدىق وندىرىسكە اناليز جاسايتىن كومپانيا ساراپشىلارى الەمدى كوروناۆيرۋس جايلاعان 2020 -جىلى نارىقتا 800 مىڭ روبوتتىڭ پايدا بولعانىن ەسەپتەپ شىعارعان. ەندى 5 جىلدان سوڭ ولاردىڭ سانى 2 ميلليونعا جەتپەك. اسىرەسە روبوتتارعا قىزمەت كورسەتۋ، ونەركاسىپ جانە مەديتسينا سالالارىندا سۇرانىس وتە جوعارى.
www.24.kz