زەرتتەۋگە ءساۋىر ايىندا تولىق جۇمىس ىستەگەن قىزمەتكەرلەر قامتىلدى. دەرەكتەرگە قوسىمشا اقىلار، ۇستەمەاقىلار، سىياقىلار، سالىقتار جانە زەينەتاقى اۋدارىمدارى كىرەدى.
ىرىكتەمەلى زەرتتەۋ قورىتىندىسى بويىنشا ۇيىمدار مەن كاسىپورىندارداعى قىزمەتكەرلەر سانى 3378,6 مىڭ ادام. ونىڭ ىشىندە ەرلەردىڭ ۇلەسى - 48,1 پايىز (1 626,4 مىڭ ادام)، ال ايەلدەر - 51,9 پايىز (1 752,2 مىڭ ادام).
2026-جىلى قىزمەتكەرلەردىڭ جالاقى مولشەرى بويىنشا بولىنىسىندە جوعارى جالاقى ساناتتارىنا اۋىسۋ ءۇردىسى جالعاستى.
جالاقىسى:
- 100 مىڭ تەڭگەگە دەيىنگى قىزمەتكەرلەردىڭ ۇلەسى 3,3 پايىزدان 2,3 پايىزعا دەيىن تومەندەدى (1,0 پ. ت.)؛
- 100 مىڭنان 300 مىڭ تەڭگەگە دەيىنگى قىزمەتكەرلەردىڭ ۇلەسى 43,0 پايىزدان 39,3 پايىزعا دەيىن تومەندەدى (3,7 پ. ت.)؛
- 300 مىڭ تەڭگەدەن جوعارى جالاقى الاتىن قىزمەتكەرلەردىڭ ۇلەسى 53,7 پايىزدان 58,4 پايىزعا دەيىن ءوستى (4,7 پ. ت.).
2026-جىلعى زەرتتەۋ قورىتىندىسى بويىنشا ءبىرقاتار كاسىپتەر توپتارىندا ورتاشا ايلىق اتاۋلى جالاقى مولشەرى ءوستى. 2025-جىلمەن سالىستىرعاندا جالاقىنىڭ ەڭ جوعارى ءوسىمى ونەركاسىپ، قۇرىلىس، كولىك جانە باسقا دا ساباقتاس كاسىپتەردىڭ جۇمىسشىلارىندا (13,1 پايىز)، سونداي-اق وندىرىستىك جابدىق وپەراتورلارى، قۇراستىرۋشىلار مەن جۇرگىزۋشىلەردە (10,4 پايىز) تىركەلدى.
ءوندىرىس، كولىك، اۋىل شارۋاشىلىعى جانە قىزمەت كورسەتۋ سالالارىنىڭ قىزمەتكەرلەرىن قوسا العاندا، بارلىق كاسىپتىك توپتا اتاۋلى جالاقىنىڭ وڭ ديناميكاسى بايقالدى.
جەكەلەگەن كاسىپتەر مەن لاۋازىمدار بويىنشا جالاقى
2026-جىلى قىزمەتكەرلەردىڭ ورتاشا ايلىق ەسەپتەلگەن جالاقىسى اتقاراتىن كاسىبى مەن لاۋازىمىنا قاراي ەرەكشەلەندى. ۇيىم باسشىلارىنىڭ ورتاشا ايلىق جالاقىسى 1101,1 مىڭ تەڭگە.
- ينجەنەرلىك-تەحنيكالىق ماماندار اراسىندا ينجەنەرلەردىڭ جالاقىسى 702,0 مىڭ تەڭگە، ەڭبەك قاۋىپسىزدىگى جانە ەڭبەكتى قورعاۋ جونىندەگى ينجەنەرلەردىڭ جالاقىسى 645,0 مىڭ تەڭگە، ينجەنەر-تەحنولوگتاردىڭ جالاقىسى 617,0 مىڭ تەڭگە، ينجەنەر-ەنەرگەتيكتەردىڭ جالاقىسى 615,1 مىڭ تەڭگە، ال تەحنيكتەردىڭ جالاقىسى 314,7 مىڭ تەڭگە.
دەنساۋلىق ساقتاۋ سالاسىندا دارىگەرلەردىڭ ورتاشا ايلىق جالاقىسى 491,4 مىڭ تەڭگە، فارماتسيەۆتەردىڭ جالاقىسى 347,7 مىڭ تەڭگە، فەلدشەرلەردىڭ جالاقىسى 313,6 مىڭ تەڭگە، مەيىرگەرلەردىڭ جالاقىسى 264,6 مىڭ تەڭگە.
باسقا كاسىپتەر اراسىندا بۋحگالتەرلەردىڭ ورتاشا ايلىق جالاقىسى 398,6 مىڭ تەڭگە، اۆتوموبيل جۇرگىزۋشىلەرىنىڭ جالاقىسى 328,1 مىڭ تەڭگە، اسپازداردىڭ جالاقىسى 192,6 مىڭ تەڭگە، كۇزەتشىلەردىڭ جالاقىسى 174,2 مىڭ تەڭگە، - دەلىنگەن ۇلتتىق ستاتيستيكا حابارلاماسىندا.
ايتا كەتەلىك ەڭ تومەنگى جالاقى قاشان كوتەرىلەتىنى تۋرالى جازعان ەدىك.