مەملەكەتتىك تۋلاردى كوتەرۋ ءراسىمى ءۇش كۇنگە جالعاستى. ونىڭ شەشۋشى ءۇشىنشى كۇنىندە قازاقستان، وزبەكستان، تۇرىكمەنستان، شري-لانكا، ليۆان، تايلاند جانە فيليپپين دەلەگاتسيالارى قاتىستى.
سالتاناتتى شارا بارىسىندا قاتىسۋشى ەلدەردىڭ مەملەكەتتىك تۋلارى كوتەرىلىپ، ۇلتتىق ءانۇراندارى ورىندالدى. سونداي-اق دەلەگاتسيالار مەن جارىس قوجايىندارى ءوزارا ەستەلىك سىيلىقتارمەن الماستى.
ءىس-شارا سوڭىندا كوميتەت ءتوراعاسىنىڭ ورىنباسارى نۇرلان ەسەمبايەۆ ءداستۇرلى اعاش وتىرعىزۋ راسىمىنە قاتىستى.
ايتا كەتەيىك، ⅩⅩ جازعى ازيا ويىندارىندا قازاقستان ۇلتتىق قۇراماسى ساپىندا 558 سپورتشى باق سىنايدى. وتانداستارىمىز جارىس باعدارلاماسىنا ەنگەن 43 سپورتتىڭ 35 تۇرىنەن جۇلدەگە تالاسادى.
ⅩⅩ جازعى ازيا ويىندارى 2026-جىلعى 19-قىركۇيەك پەن 4-قازان ارالىعىندا جاپونيانىڭ ايچي پرەفەكتۋراسى مەن ناگويا قالاسىندا وتەدى. جەكەلەگەن جارىستار توكيو مەن وساكا قالالارىندا، سيدزۋوكا جانە گيفۋ پرەفەكتۋرالارىندا ۇيىمداستىرىلادى.
ويىنداردىڭ رەسمي اشىلۋ سالتاناتى 19-قىركۇيەكتە Nagoya City Mizuho Park Athletic Stadium ستاديونىندا وتەدى.
ايتا كەتەلىك ازيا ويىندارى: ەل سپورتشىلارى بۇعان دەيىن قاي سپورت تۇرىنەن ۇزدىك ناتيجەگە قول جەتكىزگەنى تۋرالى جازعان ەدىك.