قازاقستاندا 2025-جىلى ستۋدەنتتەردىڭ شاكىرتاقىسى قانشا مىڭ تەڭگەگە ءوسۋى مۇمكىن

نۇر-سۇلتان. قازاقپارات - كەلەر جىل باسىنان ستۋدەنتتەردىڭ ورتاشا شاكىرتاقىسى 41898 تەڭگەگە وسەدى. بۇل تۋرالى قارجى مينيسترلىگى ۇسىنعان «2023-2025-جىلدارعا ارنالعان رەسپۋبليكالىق بيۋجەت» جوباسىندا كورسەتىلگەن، دەپ حابارلايدى قازاقپارات ءتىلشىسى.

«بيۋجەت جوسپارى اياسىندا 2025-جىلعا دەيىن ستۋدەنتتەرگە شاكىرتاقى تولەۋگە 430109126 تەڭگە سوماسىندا شىعىستار كوزدەلگەن. وسىنىڭ ناتيجەسىندە 2023-جىلى ورتاشا شاكىرتاقى - 41898، 2024-جىلى – 47135، ال 2025-جىلى - 52372 تەڭگەنى قۇرايدى»، - دەپ جازىلعان جوسپارلى بيۋجەت جوباسىندا.

سونىمەن قاتار قارجى مينيسترلىگى ۇسىنعان قۇجاتقا ساي، كەلەر جىلدىڭ باسىنان ا ە ك پەن ەڭ تومەنگى زەينەتاقى مولشەرى ءوسۋى مۇمكىن.

بۇدان بولەك، بيۋجەت جوسپارىنا الداعى ءۇش جىلدا سالىناتىن 504 مەكتەپتىڭ قۇرىلىسىنا باعىتتالاتىن قاراجات سوماسى ەنگەن.