2025 -جىلى ينفلياتسيا تومەندەي مە - ۇلتتىق بانك بولجامى
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ كەلەسى جىلعى ينفلياتسيا ديناميكاسىنا قاتىستى تۇسىنىك بەردى.
«ينفلياتسيا ديناميكاسى ۇلتتىق بانكتىڭ بولجامىنا سايكەس كەلەدى. جالپى ينفلياتسيانىڭ تومەندەۋى - ۇستامدى قاتاڭ اقشا-كرەديت ساياساتىنا جانە ۇكىمەتتىڭ ينفلياتسياعا قارسى شارالارىنا بايلانىستى. وسى ورايدا ۇلتتىق بانك بيىل جىل باسىنان بەرى بازالىق مولشەرلەمەنى ءتورت رەت تومەندەتتى. وسىلايشا بازالىق مولشەرلەمە ,75 تەن ,25 كە دەيىن تومەندەدى» ، - دەدى تيمۋر سۇلەيمەنوۆ ءماجىلىستىڭ جالپى وتىرىسىندا 2025-2027 -جىلدارعا ارنالعان رەسپۋبليكالىق بيۋدجەتتى تالقىلاۋ بارىسىندا.
سونىمەن قاتار تيمۋر سۇلەيمەنوۆ ينفلياتسياعا قاتىستى بولجام جاساعاندا تاۋەكەلدەر قاتار جۇرەتىنىن ايتىپ وتىر.
«ءبىزدىڭ بولجام بويىنشا 2025 -جىلى ينفلياتسيا %5,5-7,5 دالىزىندە قالىپتاسادى. 2026 -جىلى تارگەتكە جاقىنداپ، %5 تەن %7 كە دەيىنگى ارالىقتا بولادى دەپ بولجام وتىرمىز»، - دەيدى ول.
بۇعان دەيىن ۇلتتىق بانك باسشىسى بيىل توعىز ايدىڭ ىشىندە جالپى ىشكى ءونىم 4 پايىزعا ارتقانىن ايتقان ەدى.