2025-جىلعى ەڭ جيى قويىلعان ەسىمدەر

استانا. قازاقپارات - 2025-جىلى قازاقستاندىق اتا-انالار سابيلەرىنە ەڭ جيى قويعان ەسىمدەر بەلگىلى بولدى.

2025-جىلى ۇل بالالارعا قويىلعان ەڭ تانىمال ەسىمدەر: مۇحاممەد، ءاليحان، ايسۇلتان، ومار جانە الديار. بىلتىرمەن سالىستىرعاندا جاڭا تۋعان ۇلدارعا بەرىلەتىن ەڭ تانىمال ەسىمدەر ءتىزىمى وزگەرمەگەن. دەگەنمەن وڭىرلەر بويىنشا قىزىق ەرەكشەلىكتەر بايقالادى:

اتىراۋ جانە باتىس قازاقستان وبلىستارى - حامزا؛

سولتۇستىك قازاقستان - ميحايل؛

قالعان وڭىرلەردىڭ باسىم بولىگىندە - مۇحاممەد جانە الان.

قىز بالالار اراسىندا ەڭ تانىمال ەسىم - ايلين. ونى بارلىق ايماقتا جيى قويعان، تەك ءتورت وبلىستا اسىلىم ەسىمىنە كوبىرەك باسىمدىق بەرىلگەن. سونداي-اق، قىزدارعا جيى قويىلعان ەسىمدەر قاتارىندا مەدينا، ايشا جانە توميريس بار.

ۇلتتىق ستاتيستيكا بيۋروسى مىناداي دەرەكتەر كەلتىردى:

اقمولا وبلىسى - ايلين جانە الان؛

اقتوبە وبلىسى - ايلين جانە مۇحاممەد؛

الماتى وبلىسى - ايلين جانە ءاليحان؛

اتىراۋ وبلىسى - ايلين جانە حامزا؛

شىعىس قازاقستان وبلىسى - اسىلىم جانە ءامىر؛

اباي وبلىسى - اسىلىم جانە ايسۇلتان؛

جامبىل وبلىسى - ايلين جانە مۇحاممەد؛

جەتىسۋ وبلىسى - اسىلىم جانە الديار؛

باتىس قازاقستان وبلىسى - ايلين جانە حامزا؛

قاراعاندى وبلىسى - ايلين جانە الان؛

ۇلىتاۋ وبلىسى - اسىلىم جانە مۇحاممەد؛

قوستاناي وبلىسى - ايلين جانە الان؛

قىزىلوردا وبلىسى - ايلين جانە ايسۇلتان؛

ماڭعىستاۋ وبلىسى - ايلين جانە مۇحاممەد؛

تۇركىستان وبلىسى - ايلين جانە مۇحاممەد؛

پاۆلودار وبلىسى - ايلين جانە يسلام؛

قازاقستان وبلىسى - ايلين جانە ميحايل؛

شىمكەنت - ايلين جانە مۇحاممەد؛

الماتى - ايلين جانە الان؛

استانا - ايلين جانە الان.

ۆەدومستۆو دەرەگىنشە، بيىل ورىس ۇلتى وكىلدەرى اراسىندا ەڭ تانىمال ەسىمدەر - ەۆا جانە ميرون، ال وزبەكتەر اراسىندا - مۇحامماد جانە حاديچا بولعان.