قازاقستاندا اقپاراتتىق تەحنولوگيا سالاسىندا 2025 - جىلعا قاراي 900 مىڭ جاڭا جۇمىس ورنى اشىلادى
«تاڭدايتىن ماماندىعىمىز ءبىزدىڭ ومىرلىك جولىمىزدى ايقىنداپ بەرەدى. بۇل تاڭداۋ البەتتە وتە وڭاي ەمەس. وزدەرىڭىز بايقاپ وتىرعانداي، الەمدىك تەندەنتسيا قازىر وزگەرىپ، بارلىق ماماندىقتار، ەڭبەك نارىعى تولاسسىز وزگەرىستەردى باستان كەشىرىپ جاتىر. بۇرىن مىزعىماستاي كورىنگەن ماماندىقتاردىڭ قازىر كەيبىرى ءتىپتى جويىلىپ كەتتى. سونىمەن قاتار، بۇرىن بولماعان جاڭا ماماندىقتار پايدا بولا باستادى. بالكىم وزدەرىڭىز بىلەتىن بولارسىزدار، ماسەلەن مۇرجا تازالاۋشى دەگەن ماماندىقتى سىزدەر قازىر تەك ەرتەگىلەردەن عانا كەزدەستىرۋلەرىڭىز مۇمكىن. تەحنولوگيانىڭ قالاي وزگەرىپ كەلە جاتقانىن دا كورىپ وتىرسىزدار. ءبىز قازىر بۇرىن ەشقاشان ەستىمەگەن سمارتفونداردى ۇستاپ ءجۇرمىز»، - دەيدى ول.
نۇرجان التايەۆتىڭ ايتۋىنشا، جاقىندا عانا جاڭالىقتاردان ا ق ش- تىڭ بوستون قالاسىندا تولىق تۇردە روبوتتاندىرىلعان مەيرامحانا اشىلعانى حابارلانعان.
«ول جەردە داياشى دا، اسپازدار دا جۇمىس ىستەمەيدى. ەلەستەتىپ كورىڭىز. اشىلعانىنا از ۋاقىت بولسا دا وندا كەلىپ تاماقتانعىسى كەلەتىندەردىڭ كەزەگى ۇزىن سونار. دەمەك، قازىر ول الەم ءۇشىن جاڭالىق بولىپ وتىرعان شىعار. الايدا 2-3 جىلدان كەيىن مۇنداي مەيرامحانالار تىپتەن كوپ اشىلۋى مۇمكىن. بىرنەشە جىل بۇرىن عانا زاڭگەر ماماندىعىنا ءبارى وقىعىسى كەلەتىن. ال قازىر كەيبىر سالالاردا ولاردىڭ قاجەتتىلىگى بولعانىمەن، رەسەيلىك سبەربانك تولىعىمەن كورپوراتيۆتىك زاڭگەرلەردەن باس تارتتى. ويتكەنى، قازىر ول بانكتە كەز كەلگەن نورماتيۆتى- قۇقىقتىق قۇجاتتى اينا- قاتەسىز زاڭگەرلەردەن تەز تاۋىپ بەرە الاتىن كومپيۋتەرلىك باعدارلاما جۇمىس ىستەپ تۇر»، - دەيدى ول.
التايەۆتىڭ ايتۋىنشا، جاھاندىق سيفرلاندىرۋ سالاسىندا ІТ- سالاسىنداعى ماماندىقتارعا سۇرانىس جوعارى بولادى.
«كولىكتىك، لوگيستيكالىق، تۋريزم سالاسىندا جاڭا جۇمىس ورىندارى كوپتەپ اشىلادى. ІТ- تەحنولوگيالارعا بايلانىستى دا جاعداي سونداي بولماق. قازاقستاندا قازىرگى تاڭدا «سيفرلى قازاقستان» باعدارلاماسى جۇزەگە اسىرىلۋدا. وسى سەبەپتى وسى سالادا اشىلاتىن جۇمىس ورىندارىنىڭ سانى كوپ بولماق. ءبىزدىڭ ەسەپتەۋىمىزشە، 2025 -جىلى ءدال وسى سالالاردا 900 مىڭ جۇمىس ورىنى اشىلادى. بۇل ۆاكانسيالارعا قىسقارتىلعان ماماندىقتاردىڭ يەلەرىن جۇمىسقا تۇرعىزۋعا بولادى. مىنە، وسى ۆاكانسيالار سىزدەردى كۇتىپ تۇر»، - دەدى التايەۆ ءوز سوزىندە.
اۆتور: ايان بەكەن ۇلى