رەداكسياعا جولداعان جاۋابىندا «قازاۆتوجول» ۇلتتىق كومپانياسى» ا ق باسقارما ءتوراعاسىنىڭ ورىنباسارى ارمان ءجۇسىپوۆ وسىنداي مالىمەت بەردى، دەپ حابارلايدى قازاقپارات ءتىلشىسى.
«الداعى 5 جىل ىشىندە ەلىمىزدە جولداردىڭ D جۋىعى اقىلى بولادى. جالپى ۇزىندىعى شامامەن 11 مىڭ شاقىرىمدى قۇرايدى»، - دەپ جازدى «قازاۆتوجول» وكىلى.
سونداي-اق، ول اقىلى جولداردان تۇسكەن اقشا قايدا جۇمسالاتىنىن ءتۇسىندىردى. «2020 -جىلى قولدانىستاعى اقىلى ۋچاسكەلەردەن قوسىمشا قۇن سالىعىن قوسقاندا 5,7 ميلليارد تەڭگە جينالدى.
«اۆتوموبيل جولدارى تۋرالى» زاڭنىڭ 5-بابىنىڭ 5-تارماعىنا سايكەس، اقىلى ۋچاسكەلەردەگى الىمداردان الىنعان قاراجات: - اقىلى اۆتوموبيل جولدارىن جوندەۋگە جانە كۇتىپ- ۇستاۋعا، ءجۇرىپ ءوتۋ ءۇشىن اقى الۋدىڭ باعدارلامالىق- اپپاراتتىق كەشەنىن ۇستاۋعا؛ - ءجۇرىپ ءوتۋ ءۇشىن اقى الۋدىڭ باعدارلامالىق- اپپاراتتىق كەشەندەرىن ەنگىزۋ جانە ورناتۋ ماقساتىندا تارتىلعان ينۆەستيتسيالاردى قايتارۋعا؛ - اۆتوموبيل جولدارىندا اقىلى قوزعالىستى ۇيىمداستىرۋعا باعىتتالادى؛ - اقىلى اۆتوموبيل جولدارىن كۇتىپ- ۇستاۋ ءۇشىن جول- پايدالانۋ تەحنيكاسىن ساتىپ الۋ جانە قىزمەت كورسەتۋ ءۇشىن جۇمسالادى»، - دەلىنگەن ۇلتتىق كومپانيانىڭ جاۋابىندا.
اۆتور: ەسىمجان ناقتىباي