ەلىمىزدە 2024 -جىلى ەڭ تومەنگى جالاقى مەن زەينەتاقى مولشەرى قانداي بولادى
اشىق ن ق ا پورتالىندا جاريالانعان قۇجاتتا كورسەتىلگەندەي، 2024 -جىلدىڭ 1-قاڭتارىنان باستاپ ەڭ تومەنگى ايلىق، زەينەتاقى جانە كۇنكورىس شەگى مىنا مولشەردە بەكىتىلەدى:
- جالاقىنىڭ ەڭ تومەن مولشەرى - 70000 تەڭگە؛
- مەملەكەتتىك بازالىق زەينەتاقى تولەمىنىڭ ەڭ تومەن مولشەرى - 28215 تەڭگە؛
- زەينەتاقىنىڭ ەڭ تومەن مولشەرى - 57853 تەڭگە؛
- ايلىق ەسەپتىك كورسەتكىش - 3692 تەڭگە؛
- بازالىق الەۋمەتتىك تولەمدەردىڭ مولشەرلەرىن ەسەپتەۋ ءۇشىن ەڭ تومەن كۇنكورىس دەڭگەيىنىڭ شاماسى - 43407 تەڭگە بولىپ بەلگىلەنسىن.
«جاسىنا بايلانىستى زەينەتاقى تولەمدەرىنە جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە جۇمسالاتىن قاراجات 2024 -جىلعى 1-قاڭتاردان باستاپ ولاردىڭ مولشەرلەرىن 9,0 پايىزعا كوتەرۋ ەسكەرىلە وتىرىپ كوزدەلگەن دەپ بەلگىلەنسىن. ال الەۋمەتتىك مەديتسينالىق ساقتاندىرۋ قورىنا تولەۋگە جاتاتىن مىندەتتى الەۋمەتتىك مەديتسينالىق ساقتاندىرۋعا مەملەكەت جارنالارىنىڭ مولشەرى مەملەكەت جارنالارىن ەسەپتەۋ وبەكتىسىنەن 1,9 پايىز بولىپ بەلگىلەنسىن»، - دەلىنگەن قۇجاتتا.
سونىمەن قاتار، اسكەري قىزمەتشىلەر، ارناۋلى مەملەكەتتىك جانە قۇقىق قورعاۋ ورگاندارىنىڭ، مەملەكەتتىك فەلدەگەرلىك قىزمەتتىڭ ماماندارىنا تۇرعىن ءۇي مەن كوممۋنالدىق قىزمەتتەرىنە اقى تولەۋ ءۇشىن وتەماقىنىڭ ايلىق مولشەرى 3739 تەڭگە سوماسىندا بەكىتىلمەك.
زاڭ جوباسى 4-قىركۇيەككە دەيىن كوپشىلىك تالقىلاۋدا بولادى.