ەۋرو-2024 ىرىكتەۋىندەگى قازاقستان - سان-مارينو ماتچىن قايدان كورۋگە بولادى

استانا. قازاقپارات - ماۋسىمنىڭ 16 نان 17 سىنە قاراعان ءتۇنى پارماداعى «ەننيو تارديني» ستاديونىندا ەۋروپا-2024 چەمپيوناتى ىرىكتەۋ تۋرنيرىنىڭ ماتچى وتەدى.

وندا قازاقستان مەن سان-مارينو قۇرامالارى كەزدەسەدى، دەپ حابارلايدى قازاقپارات Sports.kz پورتالىنا سىلتەمە جاساپ.

سان-مارينو - قازاقستان ماتچىنىڭ تىكەلەي كورسەتىلىمى استانا ۋاقىتىمەن ساعات 00:35 تە باستالادى. ونى «Qazsport» تەلەارناسىنان كورۋگە بولادى.

قازاقستان قۇراماسى ەۋرو-2024 ىرىكتەۋ كەزەڭىن سلوۆەنيادان جەڭىلىسپەن باستادى (1:2)، سودان كەيىن دانيا قۇراماسىن سەنساتسيالىق تۇردە ۇتتى (3:2).

سان-مارينو كومانداسىنا كەلەتىن بولساق، ول سولتۇستىك يرلانديادان (0:2) جانە سلوۆەنيا كومانداسىنان (0:2) ۇتىلىپ قالدى.

قازاقستان مەن سان-مارينو قۇرامالارى 2019-جىلى ويناعان بولاتىن. وندا قازاقستان ءوز الاڭىندا (4:0) جانە قوناقتا جەڭىسكە جەتكەن (3:1).