ءسىز بىلەسىز بە؟ 2024-جىلعى وليمپيادا ويىندارى قاي ەلدە ءوتۋى مۇمكىن؟
وسى ماقساتقا جەتۋدى كوزدەيتىن بىرەگەي جوبا كوپشىلىككە تانىستىرىلىپ تا قويدى دەپ حابارلايدى 24.kz.
الەمدەگى ەڭ تانىمال سپورت دوداسىن وتكىزۋگە پاريج، لوس-اندجەلەس، بۋداپەشت تە بىلەك سىبانىپ كىرىستى.
«ءبىراق ولارعا قاراعاندا گلادياتورلار قالاسىنىڭ مۇمكىندىگى زور»، - دەيدى جەرگىلىكتى ۇيىمداستىرۋشىلار. سەبەبى ريم ءوزىنىڭ ەجەلگى الاڭدارىن كەڭىنەن پايدالانۋعا نيەتتى.
جوبا اۆتورلارىنىڭ ەسەبى بويىنشا وليمپيادا ويىندارىن وتكىزۋگە قىرۋار قارجى شاشىلمايدى. ءريمنىڭ الەمدەگى ەڭ ءىرى سپورت شاراسىن ۇيىمداستىرۋعا جۇمسايتىن اقشاسى 6 ميلليارد ەۋروعا دا جەتپەيدى.
ريم وليمپيادا ەمبلەماسىنا الەمگە كەڭىنەن تانىمال سيمۆولىن بەلگىلەگەن. بۇدان باسقا، سايىستار تاريحي ورىنداردا وتپەك. ولاردىڭ قاتارىندا چيركو ماسسيمو، ۇلكەن ريم سيركى بار. بۇل جەرلەردە ءبىزدىڭ زامانىمىزعا دەيىنگى VI عاسىردا اربامەن جارىسۋ، اڭ اۋلاۋ مەن اتلەتتەر دوداسى وتكىزىلگەن. سونىمەن بىرگە، كونە قالانىڭ كوشەلەرى دە جارىس الاڭىنا اينالماق.
ۇيىمداستىرۋشىلاردىڭ ايتۋىنشا، قاجەتتى عيماراتتاردىڭ p دايىن. تەك وليمپيادا قالاشاعىن، مەدياورتالىق پەن تاعى بىرنەشە جاڭا ارەنا سالىنۋى كەرەك.
ريم 1960-جىلى وليمپيادا وتكىزىپ، ميلليونداعان تۋريستەردى وزىنە تارتقانى بار. ودان كەيىن مۇنداي مۇمكىندىكتى تاعى ەكى رەت جەڭىپ الدى. ءبىراق 1908-جىلى ۆەزۋۆي جانارتاۋىنىڭ اتقىلاعاسىن، ال 1944-جىلى ەكىنشى دۇنيەجۇزىلىك سوعىسقا بايلانىستى وليمپيادا ويىندارىن وتكىزە المادى. ەندى 2024-جىلعى وليمپيادا قوجايىنىن انىقتاۋ قالىپ تۇر. وعان داۋىس بەرۋ شاراسى 2017-جىلدىڭ قىركۇيەگىنە بەلگىلەنگەن.