- 2025 -جىلدىڭ قاڭتار ايىندا 1513 ادام قازاقستان ازاماتتىعىنان باس تارتتى، ونىڭ باسىم كوپشىلىگى رەسەي فەدەراتسياسى (1165)، ا ق ش (51)، تۇركيا (41)، كانادا (27) جانە ۇلى بريتانيا (26) ەلدەرىنە قونىس اۋدارعان، - دەپ مالىمدەدى ۆەدومستۆودان.
سونداي-اق ىشكى ىستەر مينيسترلىگى وتكەن جىلى ەل ازاماتتىعىنان باس تارتقان ادامداردىڭ 85 پايىزى رەسەيگە كوشكەنىن مالىمدەدى.
- 2024 -جىلى 19888 ادام قازاقستان ازاماتتىعىنان باس تارتتى، ونىڭ باسىم كوپشىلىگى رەسەي فەدەراتسياسى (16941)، تۇركيا (725)، ا ق ش (462)، كانادا (260) جانە ۇلى بريتانيا (168) ەلدەرىنە قونىس اۋدارعان، - دەپ جازىلعان حابارلامادا.
ودان بولەك، 2024 -جىلى 1 ادام قازاقستان رەسپۋبيكاسى ازاماتتىعىنان شىعارىلعان.
زاڭناماعا سايكەس، قازاقستان رەسپۋبليكاسىنىڭ ازاماتتىعى ەكى جاعدايدا توقتاتىلادى: ءوز ەركىمەن شىققاندا جانە ازاماتتىقتان ايىرعاندا.
قازاقستان رەسپۋبليكاسىنىڭ ازاماتتىعىن جوعالتقان ادامدار تۋرالى مالىمەتتى ىشكى ىستەر ورگاندارى ون جۇمىس كۇنى ىشىندە حالىقتى قۇجاتتاندىرۋدىڭ دەرەكتەر بازاسىنا ەنگىزەدى.
ق ر ازاماتتىعىنان شىعۋ تۋرالى ءوتىنىش پرەزيدەنتتىڭ اتىنا جازىلادى جانە كوشى-قون قىزمەتىنە تاپسىرىلادى.
ازاماتتىقتان شىعۋ تۋرالى شەشىمدى قازاقستان رەسپۋبليكاسى پرەزيدەنتى قابىلدايدى. قاراۋ مەرزىمى - 6 اي.
ەسكە سالا كەتەيىك، بىلتىرعى زاڭناماعا ەنگىزىلگەن وزگەرىستەرگە بايلانىستى قازىرگى كەزدە قازاقستان ازاماتتىعىن الاتىن شەتەلدىكتەر قازاق ءتىلىن بىلۋگە مىندەتتى.