قىسقى ۋنيۆەرسيادا-2023: قازاقستان حوككەيشىلەرى وڭتۇستىك كورەيامەن كەزدەسەدى
قازاقستان مەن وڭتۇستىك كورەيا ستۋدەنتتەر قۇرامالارىنىڭ كەزدەسۋى ەلوردا ۋاقىتىمەن 23:55 تە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
قىسقى ۋنيۆەرسيادا ا ق ش- تىڭ لەيك-پلەسيد قالاسىندا 12- جانە 22- قاڭتار ارالىعىندا بولادى.
قازاقستاندىق حوككەيشىلەر وڭتۇستىك كورەيا، ۆەنگريا، ۇلى بريتانيا، سلوۆاكيا جانە ا ق ش- پەن سىنعا تۇسەدى. وزگە توپتا جاپونيا، ۋكراينا، شۆەتسيا، لاتۆيا، چەحيا قۇرامالارى بار.
قازاقستان ستۋدەنتتەر قۇراماسى ءدۇبىرلى دوداعا توعىز مارتە قاتىستى. 1995-جىلى يسپانيانىڭ حاكا قالاسىندا چەمپيوندىق تۇعىرعا كوتەرىلسە، 1993، 2013، 2015، 2017-جىلداردا كۇمىس، 2007-جىلى قولا مەدال يەگەرى اتاندى.
قازاقستان ستۋدەنتتەر قۇراماسىنىڭ كورسەتكىشى:
2- ورىن - 1993 -جىل. زاكوپانە، پولشا
1- ورىن - 1995 -جىل. حاكا. يسپانيا
3- ورىن - 2007 -جىل. تۋرين، يتاليا
4- ورىن - 2009 -جىل. حاربين، قىتاي
4- ورىن - 2011 -جىل، ەرزۋرۋم، تۇركيا
2- ورىن - 2013 -جىل. ترەنتينو، يتاليا
2- ورىن - 2015 -جىل. گرانادا، يسپانيا
2- ورىن - 2017 -جىل. الماتى، قازاقستان
4- ورىن - 2019 -جىل. كراسنويارسك، رەسەي.
ەلىمىزدىڭ ستۋدەنتتەر قۇراماسى بۇدان كەيىن 13- قاڭتاردا ۆەنگريا، 16- قاڭتاردا ۇلى بريتانيا، 17- قاڭتاردا سلوۆاكيا، 18- قاڭتاردا ا ق ش قۇراماسىمەن شەبەرلىك بايقاسادى.
ەسكە سالساق، شايبالى حوككەيدەن قازاقستان ستۋدەنتتەر قۇراماسىنىڭ باس باپكەرى قىزمەتىنە عالىم مامبەتاليەۆ تاعايىندالدى.