20- جەلتوقسان كۇنى «قازمۇنايگاز» ۇ ك ا ق باسقارما ءتوراعاسى ماعزۇم مىرزاعاليەۆ گ ف ر ەكونوميكا جانە كليماتتى قورعاۋ ىستەرى مينيسترلىگىنىڭ پارلامەنتتىك ستاتس- حاتشىسى ميحاەل كەلنەرمەن (ۆيدەوبايلانىس ارقىلى) جانە استانادا گەرمانيانىڭ بۋندەستاگ دەپۋتاتى، سولشىلدار پارتياسىنىڭ پارلامەنتتەگى وكىلى كريستيان گيەركەمەن كەزدەستى.
تاراپتار شۆەدت قالاسىنداعى مۇناي وڭدەۋ زاۋىتىنا قازاقستان مۇنايىن ەكسپورتتاۋ ماسەلەلەرىن تالقىلادى.
ك. گيەركەنىڭ ايتۋىنشا، زاۋىت - گەرمانيانىڭ شىعىسىنداعى براندەنبۋرگ فەدەرالدى شتاتى ەكونوميكاسىنىڭ كۇرەتامىرى.
بۋندەستاگ دەپۋتاتى «درۋجبا» مۇناي قۇبىرى ارقىلى قازاقستان شيكىزاتىن تۇراقتى تۇردە جەتكىزۋگە قىزىعۋشىلىق ءبىلدىردى.
ق م گ باسشىسى قازاقستان مۇنايىن اتالعان مۇناي قۇبىرى ارقىلى گەرمانياعا ەكسپورتتاۋ مۇمكىن ەكەنىن، الايدا كەلىسىمشارت جانە تەحنيكالىق ماسەلەلەردى شەشۋ قاجەتتىگىن اتاپ ءوتتى.
«ق م گ- ءنىڭ مۇناي ءوندىرۋشى ۇيىمدارىنىڭ شيكىزاتى قازاقستان رەسپۋبليكاسىنىڭ ىشكى نارىعىنا مۇناي ونىمدەرىن جەتكىزۋ جونىندەگى مىندەتتەمەلەردى ورىنداۋ ءۇشىن وتاندىق مۇناي وڭدەۋ زاۋىتتارىنا جىبەرىلەدى. ال ق م گ مۇنايىنىڭ ەكسپورتقا شىعاتىن كولەمى ءبىرىڭعاي جۇيەلىك ترەيدەر — KMG Trading مەكەنجايىنا جەتكىزىلەدى، ول الدىمەن «قازمۇنايگازدىڭ» رۋمىنياداعى مۇناي وڭدەۋ زاۋىتتارىنىڭ قاجەتتىلىگىن وتەيدى. ەكسپورتقا ارنالعان مۇنايدىڭ قالعان كولەمى ۇزاقمەرزىمدى كەلىسىمشارت بويىنشا ساتىلادى. سونىمەن قاتار، «قازمۇنايگاز» ق ر پرەزيدەنتىنىڭ تاپسىرماسىنا سايكەس، گەرمانياعا سىناق رەتىندە مۇناي پارتياسىن 2023 -جىلدىڭ قاڭتار ايىندا جونەلتۋ مۇمكىندىگىن قاراستىرىپ جاتىر»، - دەپ اتاپ ءوتتى م. مىرزاعاليەۆ.
كەلىسسوزدەر قورىتىندىسى بويىنشا تاراپتار ءوزارا ءتيىمدى ىنتىماقتاستىقتى ودان ءارى جالعاستىرۋعا ءۇمىت ءبىلدىردى.
شۆەدت قالاسىندا ورنالاسقان جىلدىق قۋاتى 10 ميلليون توننادان استام شيكى مۇنايدى وڭدەۋگە قاۋقارلى مۇناي وڭدەۋ زاۋىتى بەرلين مەن شىعىس گەرمانيانىڭ كوپ بولىگىن وتىنمەن قامتاماسىز ەتىپ وتىر.
فوتو: longislandbusiness.com
رەداكتور
جانات قاپالبايەۆا