Massaget.kz ءتىلشىسى نارىقتاعى تاۋارلار باعاسىنا تالداۋ جاسادى.
ازىق-تۇلىك
بيىلعى قاراشا قورىتىندىسى بويىنشا، ازىق-تۇلىك تاۋارلارى ءبىر ايدا 1,8 پايىزعا، ال ءبىر جىلدا 24,1 پايىزعا قىمباتتادى.
ونىڭ ىشىندە، جەمىستەر مەن كوكونىستەر ءبىر جىلدا 17,4 پايىزعا، ء سۇت ونىمدەرىنىڭ باعاسى ءبىر جىل ىشىندە 30 پايىزعا ءوستى. ءسۇت ونىمدەرىنىڭ باعاسى كەيىنگى ەكى ايدا تاعى ەكى پايىزعا وسكەن.
جىل باسىنان بەرى ەت باعاسى ايتارلىقتاي ءوستى. جىلقى ەتى 15,2 پايىزعا، شوشقا ەتى مەن قوي ەتى 12,2 پايىزعا، سيىر ەتى 8,4 پايىزعا قىمباتتاعان. ال قۇس ەتى جىلىنا بىردەن 28 پايىزعا قىمباتتادى.
2022-جىلعى قاراشانىڭ قورىتىندىسى بويىنشا، سۇيەكتى جىلقى ەتىنىڭ قۇنى ءبىر كەلىسى ءۇشىن 2999 تەڭگەگە، سۇيەكتى قوي ەتى كەلىسىنە 2673 تەڭگەگە، سۇيەكتى سيىر ەتى 2421 تەڭگەگە، تاۋىق ەتىنىڭ كەلىسى 1,4 مىڭ تەڭگەگە جەتكەن.
ال قازاندا ءبىرىنشى ساناتتاعى جۇمىرتقا باعاسى ءبىر ايدا 6,3 پايىزعا، ال جىلدىق وسىمدە 14,8 پايىزعا ءوسىپ، 468 تەڭگە بولدى.
ءبىر جىلدا نان 19,3 پايىزعا، ماكارون ونىمدەرى 42,2 پايىزعا، ۇن 43,7 پايىزعا قىمباتتادى.
ءداندى داقىلداردان ارپا - 44,5 پايىزعا، ءبىر كەلىسى 368 تەڭگەگە، قاراقۇمىق - 38,2 پايىزعا، 718 تەڭگەگە، سۇلى - 37,5 پايىزعا، 606 تەڭگەگە، جارما - 37,1 پايىزعا، 450 تەڭگەگە، كۇرىش - 33,5 پايىزعا، 489 تەڭگەگە، تارى - 25,2 پايىزعا، 470 تەڭگەگە دەيىن ءوستى.
جىل باسىنان بەرى سارى ماي 15 پايىزعا قىمباتتادى. قازاقستاندا تامىزدا پياز باعاسى شامامەن 12 پايىزعا ءوستى.
بۇدان باسقا، ساياسي احۋالعا بايلانىستى جازدا قانت باعاسى شارىقتاپ كەتتى. ستاتيستيكا بويىنشا، بيىل شىلدەدە ءبىر كەلى قانت ورتاشا ەسەپپەن 537 تەڭگەگە ساتىلعان، بۇل بىلتىرعا قاراعاندا 86,6 پايىزعا قىمبات. الايدا جازدا بازارلاردا قانت باعاسى 800 تەڭگەدەن اسىپ ءتۇستى.
ءدارى-دارمەك
قازاقستاندا ءبىر جىلدا فارماتسيەۆتيكالىق ءونىم باعاسى 13,3 پايىزعا وسسە، دارۋمەندەر 30 پايىزعا دەيىن قىمباتتاعان. يممۋنيتەتتى كوتەرەتىن ءتۇرلى قوسپا كەي ءدارىحانالاردا ءتىپتى جوق. ء دارى-دارمەك الماتى (17,5 پايىزعا)، ماڭعىستاۋ (17,1 پايىزعا)، اقتوبە (16,7 پايىزعا)، جەتىسۋ (16,2 پايىزعا) جانە جامبىل (14,4 پايىزعا) وبلىستارىندا ايتارلىقتاي قىمباتتاعان.
جولاۋشىلار تاسىمالى
بيىل تەك تاۋار ەمەس، سونىمەن قاتار، ءتۇرلى قىزمەتتەر دە قىمباتتادى. ماسەلەن بيىل قازاقستاندا 1 شاقىرىمعا ەسەپتەگەندە تاكسي قىزمەتىنىڭ باعاسى 0,32 دوللار بولعان. تامىزداعى جاعداي بويىنشا، تاكسي باعاسى 9 پايىزعا وسكەن.
كەيبىر پويىزدارداعى تومەنگى ورىندار 1- جەلتوقساننان باستاپ 20 پايىزعا قىمباتتادى. بيىلعى قازان قورىتىندىسى بويىنشا، قازاقستان رەسپۋبليكاسىندا تەمىرجول بيلەتتەرى 19,6 پايىزعا، ال اۋە بيلەتتەرى 16,4 پايىزعا ءوستى.
پاتەر
قازاقستاندا ءبىر جىلدا، ياعني 2021-جىلعى قاراشا مەن 2022-جىلعى قاراشا ارالىعىندا نارىقتا ءۇي باعاسى 17 پايىزعا وسكەن: ءبىر شارشى مەترى 317 مىڭنان 372 مىڭ تەڭگەگە دەيىن.
بيىل قىركۇيەكتە جالعا بەرىلەتىن پاتەر باعاسى كۇرت ءوستى. Krisha.kz پورتالىنىڭ ساراپشىلارى تامىزدىڭ ەكىنشى اپتاسىندا-اق پاتەرلەر قىمباتتاي باستاعانىن مالىمدەگەن. تامىزدىڭ ەكىنشى اپتاسىندا 1-3 بولمەلى پاتەرلەردى جالداۋ 15 پايىزعا قىمباتتاپتى.
بۇدان باسقا نە قىمباتتادى؟
بيىل ديزەل وتىنى 13 پايىزعا، قىسقى وتىن بىردەن 31 پايىزعا قىمباتتاعان.
تامىزداعى كورسەتكىش بويىنشا، جەكە كولىكتەرگە ارنالعان جانار-جاعارماي قۇنى ءبىر جىل ىشىندە 7,9 پايىزعا ءوستى. قازاقستان رەسپۋبليكاسىندا ورتاشا ەسەپپەن 2022-جىلعى تامىزدا ءبىر ليتر بەنزيننىڭ باعاسى اي-92 ماركاسى - 178 تەڭگە، اي-95/96 - 210 تەڭگە، اي-98 - 232 تەڭگە، ديزەل وتىنى - 238 تەڭگە.
ال ءۇي شارۋاشىلىعىنا ارنالعان كومىر ءبىر ايدا 3 پايىزعا، ال ءبىر جىلدا 11 پايىزعا ءوستى.
بۇدان باسقا، قازاقستاندا ءبىر جىلدا كيىم 15 پايىزعا قىمباتتاسا، شىلدەدە كەڭسە تاۋارلارىنىڭ باعاسى ءبىر جىلمەن سالىستىرعاندا 12,3 پايىزعا قىمباتتاعانى بايقالدى. ال سۇلۋلىق قىزمەتتەرىنىڭ باعاسى جىلدىق ماندە (2021-جىلعى قاراشامەن سالىستىرعاندا) 17 پايىزعا وسكەن.
تازالاۋ جانە جۋۋ قۇرالدارى ءبىر جىل ىشىندە 26,6 پايىزعا قىمباتتاعان. كىر سابىننىڭ ورتاشا باعاسى تامىزدا 307 تەڭگە بولسا، ءتىس پاستاسىنىڭ ورتاشا باعاسى - 854 تەڭگە.
ايتا كەتەيىك، ساۋىردە باعا ستاتيستيكاسى دەپارتامەنتىنىڭ ديرەكتورى قۋانىشبەك جاقىپبەك ۇلى بيىلدىڭ باسىنان بەرى يندەكس قۇرىلىمىندا تاۋارلار ايتارلىقتاي قىمباتتاعانىن ايتتى. ولاردىڭ ىشىندە:
تۇرمىستىق تەحنيكا - 18,1 پايىزعا؛
قۇرىلىس ماتەريالدارى - 14,7 پايىزعا؛
جيھاز جانە تۇرمىستىق زاتتار - 13 پايىزعا؛
توقىما بۇيىمدارى - 8 پايىزعا؛
ساناتورييلەردىڭ قىزمەتتەرى - 12 پايىزعا؛
شاشتاراز جانە جەكە كۇتىم مەكەمەلەرى - 11 پايىزعا؛
قوناق ءۇي قىزمەتتەرى - 5,7 پايىزعا قىمباتتاعان.