قاتار-2022: فرانسيالىق قاقپاشى ءوز قۇراماسىنىڭ رەكوردىن جاڭارتتى

استانا. قازاقپارات - قاقپاشى ستيۆ مانداندا فۋتبولدان فرانسيا قۇراماسىنىڭ «الاڭعا شىققان ەڭ ەگدە ويىنشى» رەكوردىن جاڭارتتى، دەپ حابارلايدى قازاقپارات ءتىلشىسى.

ول بۇگىن ۇلتتىق قۇرامانىڭ 2022 -جىلعى الەم چەمپيوناتى D توبى ءۇشىنشى تۋرىنداعى تۋنيسپەن كەزدەسۋىندە نەگىزگى قۇرامادا جاسىل الاڭعا شىقتى. اتالعان كەزدەسۋدە ولار قارسىلاسىنا 0:1 ەسەبىمەن جول بەردى.

بۇل ساتتە ونىڭ ومىرگە كەلگەنىنە 37 جىل 247 كۇن تولعان ەدى. ناتيجەسىندە ول بۇعان دەيىن ساقتالىپ كەلگەن بەرنارد لامنىڭ كورسەتكىشىن جاڭارتتى. انگلياعا قارسى شىققان كەزدەسۋدە ول 37 جاستان 148 كۇن اسقان ەدى.

ستيۆ مانداندا 2008 -جىلدان بەرى ۇلتتىق قۇراما ساپىندا ويناپ كەلەدى. قازىر ول ءوز ەلىنىڭ «رەنن» كومانداسىندا ويىن كورسەتەدى.

اتالعان توپتا ءبىرىنشى ورىن التى ۇپايمەن فرانسياعا بۇيىرسا، ءدال سونداي ۇپايمەن اۆستراليا پلەي-وفف ساتىسىنا بەرىلگەن ەكىنشى جولداماعا يە بولدى.

سونداي-اق، بۇگىن ەلوردا ۋاقىتىمەن 1.00-دە پولشا مەن ارگەنتينا ويىنى «Qazaqstan»، ساۋد ارابياسى مەن مەكسيكا ويىنى «Qazsport» تەلەارناسىنان تىكەلەي ەفيردە كورسەتىلەدى.