سايلاۋ-2022: داۋىس بەرۋ كۇنى قالاي وتەدى

استانا. قازاقپارات - ەلوردادا كەزەكتەن تىس ق ر پرەزيدەنتى سايلاۋىنا دايىندىق جانە ونى وتكىزۋى ماسەلەلەرى بويىنشا كەڭەس ءوتتى، دەپ حابارلايدى قازاقپارات ءتىلشىسى.

جيىن بارىسىندا ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ الداعى سايلاۋدى وتكىزۋ كەزەڭدەرىن ءتۇسىندىردى.

«21- قازان ساعات 18:00 دەن باستاپ 19- قاراشا، سەنبى ساعات 0:00 گە دەيىن ەلىمىزدە سايلاۋالدى ۇگىت-ناسيحات جۇمىستارى جۇرگىزىلەدى. سەنبى، ياعني داۋىس بەرۋ كۇنىنىڭ الدىنداعى كۇنى بارلىق ۇگىت-ناسيحاتقا تىيىم سالىنادى. 20- قاراشا، جەكسەنبىدە ءبىز داۋىس بەرۋدى ۇيىمداستىرۋىمىز كەرەك. ەكى كۇن ىشىندە ورتالىق سايلاۋ كوميسسياسى 20 ايماقتان حاتتامالار جينايدى. ءبىر اپتا ىشىندە ءبىز سايلاۋ ناتيجەلەرىن انىقتاپ، سايلانعان پرەزيدەنتتى تىركەيمىز»، - دەدى كونستانتين پەتروۆ.

سونداي-اق، ول داۋىس بەرۋ كۇنى قالاي وتەتىنىن ءتۇسىندىرىپ بەردى.

«جەرگىلىكتى ۋاقىت بويىنشا ساعات 7:00 دەن 20:00 گە دەيىن داۋىس بەرۋ وتەدى. سايلاۋ ۋچاسكەلەرى ءبىر ساعات بۇرىن اشىلادى. داۋىستاردى ساناۋ داۋىس بەرۋ اياقتالعاننان كەيىن بىردەن جۇزەگە اسىرىلۋى كەرەك. ونى ساناۋ ۇزاقتىعى 12 ساعاتتان اسپاۋى ءتيىس. داۋىستاردى ساناۋ اياقتالعاننان كەيىن بىردەن حاتتاما جاسالادى»، - دەپ ءمالىم ەتتى ورتالىق سايلاۋ كوميسسياسى ءتوراعاسىنىڭ ورىنباسارى.

بۇدان وزگە، كەڭەس بارىسىندا كونستانتين پەتروۆ پەن و س ك مۇشەسى سابيلا مۇستافينا ازاماتتاردىڭ سۇراقتارىنا جاۋاپ بەردى.