سايلاۋ-2022: حالىقارالىق بايقاۋشىلاردى اككرەديتتەۋ اياقتالدى
بۇل تۋرالى ق ر ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ءمالىم ەتتى، دەپ حابارلايدى قازاقپارات ءتىلشىسى.
«ورتالىق سايلاۋ كوميسسياسىنا ق ر پرەزيدەنتى سايلاۋىنا حالىقارالىق ۇيىمدار مەن شەت ەلدەردەن حالىقارالىق بايقاۋشىلاردى اككرەديتتەۋ ەلىمىزدىڭ سىرتقى ىستەر مينيسترلىگىنەن كەلىپ تۇسەدى. سونىمەن قاتار «سايلاۋ تۋرالى» كونستيتۋتسيالىق زاڭنىڭ نورمالارىنا سايكەس شەت مەملەكەتتەر مەن حالىقارالىق ۇيىمداردىڭ اتىنان بايقاۋشىلاردى اككرەديتتەۋ سايلاۋدان بەس كۇن بۇرىن جەرگىلىكتى ۋاقىت 18:00 دە اياقتالادى. ياعني، بۇگىن ساعات 18:00 دە ءبىز اتالعان پروتسەدۋرانى اياقتايمىز»، - دەدى نۇرلان ءابدىروۆ ورتالىق سايلاۋ كوميسسياسىنىڭ وتىرىسىندا.
و س ك باسشىسىنىڭ ايتۋىنشا، بۇگىنگە دەيىن حالىقارالىق بايقاۋشىلاردى اككرەديتتەۋ ماسەلەسىنە ارنالعان بىرنەشە وتىرىس ءوتىپ، ءتيىستى قۇجاتتار قابىلداندى.
بۇعان دەيىن حابارلاعانىمىزداي ورتالىق سايلاۋ كوميسسياسى شاڭحاي ىنتىماقتاستىق ۇيىمى مەن يسلام ىنتىماقتاستىعى ۇيىمى اتىنان تىركەلگەن 2 بايقاۋشىنى اككرەديتتەۋدى كەرى قايتارىپ الدى.