سايلاۋ-2022: تەلەدەبات كەزىندە قانداي تاقىرىپتاردى تالقىلاۋعا بولمايدى
ق ر ورتالىق سايلاۋ كوميسسياسىنىڭ مۇشەسى اناستاسيا شەگورتسوۆانىڭ اتاپ وتۋىنشە، و س ك تاراپىنان 2022-جىلعى 20- قاراشاعا بەلگىلەنگەن كەزەكتەن تىس پرەزيدەنت سايلاۋىندا سايلاۋ الدىنداعى تەلەۆيزيالىق پىكىرسايىستار مەن پىكىرتالاستاردى وتكىزۋ رەگلامەنتى كەلىسىلگەن.
«سايلاۋ الدىنداعى تەلەۆيزيالىق پىكىرتالاستاردى وتكىزۋ بارىسىندا كونستيتۋتسيالىق قۇرىلىستى كۇشتەپ وزگەرتۋدى، قازاقستان رەسپۋبليكاسىنىڭ تۇتاستىعىن بۇزۋدى، مەملەكەت قاۋىپسىزدىگىنە نۇقسان كەلتىرۋدى، الەۋمەتتىك، ناسىلدىك، ۇلتتىق، ءدىني، تەكتىك-توپتىق، تەكتىك الاۋىزدىقتى، زورلىق-زومبىلىق قاتىگەزدىگىنە تابىنۋدى قوزدىرۋدى، سونداي-اق زاڭنامادا كوزدەلمەگەن اسكەريلەندىرىلگەن قۇرالىمداردى قۇرۋدى ناسيحاتتاۋعا جانە ۇگىتتەۋگە جول بەرىلمەيدى. بۇل وسى پىكىرتالاستاردا تالقىلاۋعا قويىلاتىن جالعىز شەكتەۋ عانا. قالعانىنىڭ ءبارى، ياعني زاڭ اياسىندا كەز كەلگەن سۇراقتار قويىلۋى مۇمكىن»، - دەدى اناستاسيا شەگورتسوۆا.
ايتا كەتەيىك، بۇگىن ورتالىق سايلاۋ كوميسسياسىنىڭ وتىرىسىندا 20- قاراشادا وتەتىن پرەزيدەنت سايلاۋىنا كانديداتتاردىڭ پىكىرسايىسىنىڭ رەگلامەنتى مەن قاتىسۋشىلار ءتىزىمى بەكىتىلگەن ەدى.