شارا «قازمەديا» ورتالىعىندا، Astana Media Week فورۋمىنىڭ اياسىندا ءوتىپ جاتىر.
ۇيىمداستىرۋشىلار ۇسىنعان دەرەك بويىنشا بيىل بۇل بايگەگە 544 ءوتىنىم تۇسكەن. وتىنىمدەردىڭ كوبى «الەۋمەتتىك تاقىرىپتاعى ۇزدىك ماتەريال»، «جىلدىڭ ۇزدىك سۇحباتى»، «جىلدىڭ ۇزدىك اناليتيكا ماتەريالى» جانە «جىلدىڭ ۇزدىك رەپورتاجى» نوميناتسيالارى بويىنشا تۇسكەن.
سول وتىنىمدەردىڭ ىشىنەن 52 نومينانت ىرىكتەلگەن بولاتىن. قازىلار القاسى بۇگىن سولاردىڭ ىشىنەن «URKER-2022» سىيلىعىنا لايىق دەگەن جۋرناليستەردىڭ ەسىمىن انىقتادى.
جەڭىمپازدارعا «URKER» ەستەلىك مۇسىنشەسى جانە 1 ميلليون تەڭگە مولشەرىندە اقشالاي سىيلىق تابىستالادى.
بۇعان دەيىن حابارلاعانىمىزداي، «ۇركەر» ۇلتتىق سىيلىعىنا بيىل 150 جىلدىعى اتالىپ ءوتىپ جاتقان، قازاق باسپا ءسوزىنىڭ نەگىزىن قالاۋشىلاردىڭ ءبىرى احمەت بايتۇرسىن ۇلى اتىنداعى نوميناتسيا ەنگىزىلدى.
كەشە 13 نوميناتسيا بويىنشا ىرىكتەلگەن فيناليستەر ءتىزىمى جاريالانعان بولاتىن.