پاراليمپيادا-2022: قازاقستاندىقتار شاڭعى ەستافەتاسىندا ونەر كورسەتەدى

بەيجىڭ. قازاقپارات - بەيجىڭدەگى پاراليمپيادا ويىندارىنىڭ سوڭعى كۇنىندە پاراحوككەيدەن، شاڭعى جارىسىنان (ەستافەتا) جانە تاۋ شاڭعىسى سپورتىنان (سلالوم) فينالدىق كەزەڭدەر وتەدى، دەپ حابارلايدى قازاقپارات ءتىلشىسى.

ويىنداردىڭ سوڭعى كۇنى اشىق جانە ارالاس ەستافەتامەن اياقتالادى. جارىستار حەبەي پروۆينتسياسىنىڭ چجانتسزياكوۋ تاۋ شاڭعى كۋرورتىندا وتەدى.

قازاقستاندىق سپورتشىلار 4×2,5 ارالاس ەستافەتاسىندا ونەر كورسەتەدى. سونداي-اق بەيجىڭدە ا ق ش پەن كانادا قۇرامالارى پاراحوككەيدە چەمپيوندىق تيتۋل ءۇشىن تالاسادى.

ال پاراتاۋشاڭعىسىنان جارىستار سلالومنان ايەلدەر اراسىنداعى باسەكەمەن اياقتالادى. جارىستار ەل استاناسىنىڭ يانتسين اۋدانىندا وتەدى.

بۇگىن، جەكسەنبى كۇنى «قۇس ۇياسى» ۇلتتىق سپورت ستاديونىندا XIII پاراليمپيادا ويىندارىنىڭ جابىلۋ سالتاناتى بولادى.

سەگىزىنشى جارىس كۇنىنىڭ قورىتىندىسى بويىنشا:

ءبىرىنشى ورىندا 59 مەدالمەن قىتاي تۇر (18 التىن، 18 كۇمىس جانە 23 قولا مەدال).

ەكىنشى ورىندا ۋكراينا قۇراماسى ورنالاسقان (10-10-8)، ءۇشىنشى ورىندا - كانادا (8-5-10).

قازاقستان قۇراماسى 1 قولا مەدالمەن اۆستراليا جانە شۆەيتساريامەن بىرگە 17-19- ورىنداردى ءبولىسىپ وتىر.