فۋتبولدان الەم چەمپيوناتى-2022: قازاقستان قۇراماسىنىڭ قارسىلاستارى جايلى نە بىلەمىز؟
ەستەرىڭىزگە سالا كەتەلىك، قازاقستان D توبىنا ءتۇستى. قارسىلاستارى - فرانسيا، ۋكراينا، فينليانديا جانە بوسنيا جانە گەرتسوگوۆينا قۇرامالارى.
ايتا كەتەيىك، ولاردىڭ اراسىندا قازاقستاندىق فۋتبولشىلار فرانسيا، بوسنيا جانە گەرتسوگوۆينا قۇرامالارىمەن كەزدەسىپ كورگەن جوق.
فرانسيا 2018-جىلعى سوڭعى الەم چەمپيوناتىندا التىننان القا تاققان. ال بوسنيا جانە گەرتسوگوۆينا قۇرامالارى ورتانقول قۇراما قاتارىندا سانالادى. الەم جۇرتشىلىعى فرانسيا قۇراماسىنىڭ الەۋەتى جايىندا جاقسى بىلەدى. بۇل قۇراما قازىر FIFA رەيتينگىندە ەكىنشى ورىندا تۇر.
فرانسۋز فۋتبولشىلارى الەم چەمپيوناتىندا 1998، 2018-جىلدارى جەڭىمپاز اتانسا، 2006-جىلى كۇمىس، 1966، 1986-جىلداردا قولا جۇلدەگە قول سوزدى.
بۇگىنگى كۇندەرى قۇراما ساپىندا پول پوگبا، وليۆە جيرۋ، انتۋان گريزمانن، كيليان مباپپە سەكىلدى كوپتەگەن جۇلدىزدار ويىن كورسەتەدى. قازاقستاندىق فۋتبولشىلار ۋكراينا قۇراماسىمەن بۇدان بۇرىن ءتورت مارتە كەزدەستى. ونىڭ بارلىعىندا الەم چەمپيوناتىنىڭ ىرىكتەۋ ساتىسىندا جولى تۇيىسكەن.
2006 -جىلعى الەم چەمپيوناتىندا ىرىكتەۋ ساتىسىندا قازاقستاندىقتار ولارعا ءوز الاڭىندا 1:2 ەسەبىمەن جەڭىلسە، سىرت الاڭدا 0:2 ەسەبىمەن ەسە جىبەردى. ال 2006-جىلعى الەم چەمپيوناتىندا ءوز الاڭىندا 0:3 ەسەبىمەن ەسە جىبەرىپ، سىرت الاڭدا 1:2 ەسەبىمەن ۇتىلىپ قالدى. FIFA رەيتينگىندە ۋكراينا 24- ورىندا تۇر.
ءۇشىنشى قارسىلاس - فينليانديامەن قازاقستاندىق قۇراما بۇدان بۇرىن ءۇش مارتە كەزدەستى. الدىمەن 2006-جىلدىڭ 28- اقپانىندا وتكەن جولداستىق كەزدەسۋدە ەكى قۇراما 0:0 ەسەبىمەن تەڭ تۇسكەن ەدى. ويىن سوڭىنان كەيىنگى پەنالتيدە قازاقستاندىقتار 3:1 ەسەبىمەن جەڭىسكە جەتتى. ال 2008-جىلعى ەۋروپا چەمپيوناتىندا ىرىكتەۋ ساتىسىندا فين فۋتبولشىلارى الماتىدا 2:0 ەسەبىمەن باسىم تۇسسە، ءوز الاڭىندا 2:1 ەسەبىمەن تىزە بۇكتىردى.
فينليانديا FIFA رەيتينگىندە 38-ورىندا كەلەدى. ال قازاقستاندىق قۇراما بوسنيا جانە گەرتسوگوۆينامەن بۇدان بۇرىن كەزدەسكەن ەمەس. اتالعان قۇراما FIFA رەيتينگىندە 83- ورىنعا جايعاسقان. ەۋروپا قۇرلىعىنداعى ىرىكتەۋ كەزەڭى 2021-جىلدىڭ ناۋرىزى مەن 2022-جىلدىڭ ناۋرىزى ارالىعىندا بولادى.
جارىستىڭ فينالدىق ساتىسى 2022-جىلدىڭ 21- قاراشاسى مەن 18- جەلتوقسان ارالىعىندا وتكىزىلەدى.